Гэр, түүнтэй холбоотой мэдээлэл, нийтлэл
Торгуудын Сэнчин Гэгээн ханаас Шведийн V Густав ванд бэлэглэсэн зургаан ханатай монгол гэр.
1929 онд судлаач доктор Свен Хедин, хошууч Х. Хаслунд нар Стокхольм хотод энэ гэрийг авчиржээ.
Торгуудын Сэнчин Гэгээн хан (1884-1932) бол Балт (Палт) вангийн хүү, Ниржидмаа гүнжийн ах (эцэг нэгтэй, эх өөртэй) юм. 1932 онд хятадууд Сэнчин Гэгээнийг гэнэдүүлэн хороож, Торгууд аймгийн хүч суларчээ.
Бичсэн: Ulzii Fredriksson
***
Гэрийг орон байр гэх шинж чанарын түвшинд
Гэр нь мод, эсгий, томсон дээс уяа гэсэн байгалийн материалаас бүрдсэн тул халуун хүйтэнд тэсвэртэй, агаар салхи, чийг нэвтэрдэг ач тустай.
***
ХААЛГА, БОСГОТОЙ ХОЛБООТОЙ ЁС
Хүний биеийг дагаж муу болон сайн ад зэтгэр тийрэн, сүнс сүг энергийн хүч үргэлж дагаж явдаг учраас хаалга алдалж босгон дээр гишгэх үед тэр муу зүйлс гэр лүү биеэр дамжиж, дамнан босго давж орж ирдэг гэж үздэг учраас Монголчууд хаалга алдлах, босгон дээр гишгэхийг цээрлэдэг ажээ. Тийм ч учраас МОНГОЛ гэрийн босго өндөр байдаг ба алив зүйлсэд няхуур, босго өндөр хандах хэрэгтэй ч гэж монголчууд ярьцгаадаг. Гэрийн босгон дээр гишгэж болохгүй гэдгийг монгол хүн бүр мэднэ. Харин яг ямар учраас үүнийг цээрлэдгийг тэр бүр мэдэх болов уу?
Монголчууд гэрээ улс орны дайтай зүйрлэж “туурга тусгаар улс” хэмээн ярьдаг байсан. Босгыг гэр-улсын хил зааг гэдэг тул гишгэж бус алхаж гарахыг сургадаг. Иймд тухайн айл, туурга тусгаар улсыг хүндэтгэж босгон дээр гишгэдэггүй учиртай.
Мөн монголчууд гэрийн хаалгыг урд зүгт харуулж барьдаг нь ёс заншил гэхээс илүү амьдралын ухаан, арга логик юм. Манай орон жилийн дөрвөн улиралд баруун хойноос салхилдаг тул бороо, шороо, цас, жавраас сэргийлж гэрийн хаалгыг салхины чиг дагуулан ингэж барьдаг ажээ.
“ИХ ЗАСАГ” хуулийн үндсэн суурь болох тэнгэрийн хуулинд "гэр лүү орохдоо босгон дээр гишгэж болохгүй" гэсэн байдаг. Хэрвээ хэн нэг хүн удирдагчынхаа өргөөний үүд босгыг санаатайгаар гишгэсэн байвал алагдан шийтгэгдэх аюултай... гэх мэт гэрийн үүд хаалганы тухай дурдсан байна. Тиймээс Чингисийн үеэс одоог хүртэл гэрийн босгон дээр гишгиж, хаалга алдалж зогсохыг хориглодог.
***
ТУХАЙН АЙЛ АВДАРАА ГАХАЙ ЗҮГТ БАЙРЛУУЛАХ НЬ ЭД БАЯЛАГЫГ АРВИН ЦУГЛУУЛЖ, ӨЕГ ЦАТГАЛАН АМЬДАРДАГ
Зүг чигийн бэлгэдэл
Хулгана зүг:
Монгол бөө мөргөлд гал голомтны чанх хойд зүгийг хулгана зүг хэмээдэг. Энэ зүгт бүх эсгий туургат Их Монгол улсын тулгар төрийн тэнгэр байрлахаас гадна буддын шашин дэлгэрсэн 16-р зуунаас хойш бурхан сахиусаа байршуулан тахидаг учраас гэрийн эздээс өөр хэн ч гар хүрч болдоггүй байжээ. Гэрийн гаднах умар зүг нь хүмүүс нарт хорвоогоос халиад очдог мөнхөд орших сүнсний буюу онгодын ертөнц Харанхуйн орон орших зүг учраас энэ зүгээс ирэх аюулаас тухайн айл гэрийнхнийг бүх онгод, сүлд, сахиус шүтээн хамгаалж, урт насны хишиг зүг болгодог ажээ. Ер нь айл гэрт аливаа хий биетэн хийсгэлэн дүртэн онгод тэнгэр залран ирэх болбол хаалга үүд голлон цэх шулуун явж, гэрийн чанх хойт хойморт очдог учраас үүд голлох, хаалга алдлах, хоймор голлон суухыг ихэд цээрлэдэг байжээ. Мөн айл гэрийн хоймор арслантай авдар тавьсан байдаг нь гаднаас ирэх элдэв муу зүгийн ад хорлолыг аюулган эцэслэх утга учир билэгдэлтэй байдаг.
Үхэр зүг :
Энэ зүгт монгол гэрийн эзэгтэйн талын онгод тэнгэрүүд буюу есөн өрлөг тэнгэрийн нэг болох эхийн тэнгэр, мөн хүүхдийн тэнгэр / охидын хэсэг /тухайн айлын голомтны үхэр зүгт байдаг. Хулгана зүгийн арын харагчин зүгээс арай зүүн тийш үхэр зүг тохиолдоход айл гэрийн даллагын хувин өлгөөтэй байхын зэрэгцээ хоёр авдрын хоорон дохь хөндийд архи сархад, голдуу үнээний сүүнээс гаралтай нэрмэлийн зүйл бутантай архи сархад, хатан бараан идээгээ хадгалдаг. Энэ бол гадна дотроос хаанаас нь ч нар үл орох монгол гэрийн хамгийн сэрүүхэн газар нь бөгөөд хөргөөн хадгалах зүйлс голдуу энд байдаг. Үхэр зүгийг бас охин хүүхдийн хишиг зүг ч гэдэг.
Барс зүг:
Ертөнцийн чанх зүүн хойт зүг зовхист Зогсолт ба барс зүгт өрх гэр үүсгэсэн гал голомтны эзний суудал байх бөгөөд эр хүний, гэрийн эзний сүлд тэнгэр байрладаг ажээ. Барс бол ертөнцийн дөрвөн хүчтэний нэг учраас энэ зүг гэрийн эзэнд их л ээлтэй ивээлтэй хэмээн үздэг. Гэрийн гаднах ертөнцийн зүг чигээр бол Хараалын эзэн Хадаргаан хар Боом тэнгэр, хэрүүлийн эзэн Хэдэр догшин тэнгэрийн орших зүг учраас хараал хэрүүлийн бузраас гэрийн эзнийг хамгаалан эр хүний сүлд тэнгэр энд байрладаг байсан гэсэн үг юм. Бараар төлөөлүүлсэн зүгт суудгаараа өрхийн тэргүүн нь чухамхүү ” Бор гэртээ богд, хар гэртээ хаан ” гэгчээр мандан бадралыг шийдвэрлэн авч явдаг хүн гэсэн утгатай ажээ.
Туулай зүг:
Бар зүгийн доод тал байх өрх гэрийн үүсгэлцсэн гал голомтны чанх зүүн талд туулай зүгт гэрийн эзэгтэйн суудал байдаг. Мөн гал голомтын ам нь ч мөн энэ зүг рүү хандахаас гадна эхнэр хүнийг айлын гал голомтны эзэн гэж үздэг. Туулай бол нэгэн жилдээ хоёроос гурван ч удаа төрдөг, нэг төрөхдөө таваас долоон бүжин төрүүлдэг үр төлтэй амьтан учраас тухайн айлд үр хүүхдийн хутаг заяаж, өнөр өтгөн байлгадаг хэмээн үздэг. Үр хүүхэдгүй хүн оршин суугаа газар орныхоо туулай зүгт хүүхдийн овоо босгон бөө удгадаар тахиулж, үр хүүхдийн буян заяа гуйдаг заншилтай байжээ. Хуучин цагт энэ зүгт эм хүний сүлд тэнгэр буюу гэрийн эзэгтэйн сүлд тэнгэр оршдог гэдэг байжээ. Түүний доод талд хөлийн авдар байрладаг ажээ.
Луу зүг:
Монголчууд айл гэрийн голомтны Орлого буюу луу зүгт 9-н өрлөг тэнгэрийн нэг болох Идээ буяны тэнгэр оршдог хэмээн үздэг. Хөлийн авдарнаас дорогш зүүн урд луу зүгт гэрийн тогоо шанага, сав суулга, идээ ундаа байрлах эргэнэг байрлах бөгөөд луу бол зун тэнгэрт гарч, хур бороо оруулж, өвс ногоо ургуулан, өвөлд усанд ичиж, газар усны шим дэлгэрүүлдэг эрдэмтэй учир энэ шимийн үр боловсрол болсон идээ ундааны тавиур- эргэнэг энд байрладаг гэсэн үг. Чанх зүүн урд Орлого зүг учир хүнс идээн буяны эхлэл эндээс эхлэдэг ажээ.
Могой зүг:
Могой бол газар, лусын амьтан мөн учир гэрийн зүүн урд зүгт байхаас гадна энд газар, ус хоёр байх ёстой гэж үздэг учраас эрэгнэгийн доод талд усны ган голдуу байрлуулдаг. Эндээс идээний буяны төгсгөл болж, үнс тоосоо гаргадаг зүг болдог. Гэрийн гаднах энэ зүгт хайрхан лусын уяа гэгч тусгай уяа байрладаг байсан. Энэхүү уяан дээр уул овооны тайлга тахилга хийх үедээ сэтэрлэсэн адуу морио уядаг байсан ажээ. Өнөө үед энэ уламжлалт уяа үгүй болсон хэдий ч Хэнтий аймгийн хойд сумдын айлуудын гадаа мэр сэр байрлуулсан байх нь бий. Мөн энэ зүгт гэрээс нэлээд алс зайд тэр айлын үнс тоосоо гаргадаг газар байдаг.
Морь зүг:
Морь зүг буюу чанх урд зүгт монгол айлын үүд оршдог бөгөөд үүдээр нь тухайн айлд сайн ч юм, муу ч зүйл орж ирдэг учир үүдээ хоёр хувааж зөв үүд, буруу үүд хэмээн нэрлэдэг. Энэхүү хоёр хоёр үүдний заагт морин зүг оршиж, голомтны эзний аяны жолоог хөтөлдөг морины уяа байдаг. Монгол айл үүдээ гэр дээрээ сөхөж орхиод морь малаа харж харуулдаж байдаг тул энэ нь морь малын ээлтэй зүг бөгөөд өмнө үүдэнд Эрхт Мөнх тэнгэр энд гэрийн гаднаас сахин ивээмүй. Монголчууд урд зүг гарлагатай, хойт зүг орлоготой хэмээн үзэж байсан ба тооно болон тогоо тулгаа хойш нь хэлтийлгэн байршуулахыг хичээдэг асан. Мөн морь зүгийг голлож суух цээртэй агаад чанх урдаас мориор ирж болдоггүй, тэмээгээр бол ирж болдог бөгөөд морьтой хүн танихгүй хот айлд ирэх болбол заавал алсуур тойрч баруун хойноос нь ирдэг байжээ.
Хонь зүг:
Монгол гэрийн үүд хаалганаас баруун тийш хонин зүг залгадаг нь монголчууд дээр үеэс өвөл хаврын цагт гэрийн энэ хэсэгт хурга ишигээ уяж хөгнөдөг байсантай холбоотой билээ. Мөн энэ хэсэгт мал ахуйн элдэв тоног хэрэгсэл хазаар ногтны цах, шондсон эмээл зэргийг байршуулдаг. Мөн энэ зүг улаан өнгөнд хамаарагдаг учраас хонь мал гаргасны дараа цээж, бөгс болгон гэрийн доторх хананы толгойноос өлгөн сэврээдэг нь улаан идээ байрлуулахад нийлэмжтэй байдаг. Чанх баруун урд зүг бол Ээевэргүү зовхис учир аливаа зүйлст зохимжтойн дээр Баян цагаан тэнгэр, эд баялагийн эзэн тэнгэр орших зүг учир монголчуудын гол баялаг болсон мал сүргийг арвижуулдаг хэмээн үзэхээс гадна хонио энэ зүгээс хотлуулдаг байна. Гэрийн гадна талд болохоор зочин гийчний морины уяа байрлана.
Бэчин зүг:
Ертөнцийн чанх баруун урд зүгээс арай хойгуур бэчин зүгийн өнцгөөс эхлэн гаднаас орж ирсэн хүний суудал эхэлдэг. Бэчин зүгт эмээл, хазаар сур зэрэг мал ажуйн тоног хэрэгслэл ч оршдог байна.
Тахиа зүг:
Монгол айл гэрийн гал голомтны чанх баруун зүг буюу тахиа зүгт гаднаас морилон ирсэн зочин гийчид морилон саатдаг газар ажээ. Мөн 9-н өрлөгийн тэнгэрийн нэг болох Зон олны тэнгэр байрлахаас гадна хуран цуглах зочин ихтэй байхыг бэлгэдэг ажээ. Бас энд зочинд зориулсан ор дэвсгэр ч байрлаж байдаг. Энэ бол хуучин цагт олон түмний сүлд тэнгэр залран эл саатсан зочин гийчнийг сахин ивээдэг гэж үздэг. Мөн монголчууд онгод шүтлэгтэй байсан цагт цагаан зүгийн номхон төвшин онгодын сэтэр нь энэ талдаа байрладаг байжээ. Эл онгод баруун хойт зүгээс давиран ирэх дайсан хорлолоос сахин хамгаалж байдаг. Тахиа зүг нь олон зочин гийчний хуран чуулж, шуугиан шаагиан болохыг бэлгэддэг.
Нохой зүг:
Монголчууд нохойгоо барс лугаа хүчирхэг, арслан мэт сүрлэг, луу адил догшин хэмээн бэлгэшээн, хөрөнгө малыг хадлагч, буяныг түшдэг учир нохой эд буяныг сахих бэлгэдэлтэй тул эдийн буян энэ зүгээс эхэлдэг гэж үзээд, идээний буяны эхлэл луу зовхисийн харалдаа байрладаг байна. Мөн монголчуудын нохойн уяа ба чинлэгэ, мухлаг тэргээ энэ зүг ч бас байрлуулдаг. Чанх баруун хойт зүг зовхисыг мөнх тэнгэр нэрийн орших зүг учраас Мөнх зүг хэмээх ажээ.
Гахай зүг:
Гахай зүгт айл гэрийн бусад эд эдлэлээ хадгалах авдар сав нь энэ зүгт байрладаг бөгөөд гахай бол газрын үндэс цуглуулдаг амьтан тул өег цатгалан аж амьдралыг бэлгэдэх ажээ. Мөн гахай зовхист эдийн буяны төгсгөл байдаг нь гахай өвлийн улиралд өөрийгөө голын элс шороогоор хуяглаж хамгаалдагтай холбоотой билээ. Мөн зүүн урд талын идээн буяны төгсгөл болдог могой зовхистой харилцан харгалзаж байдаг.
***
Цээж гэр
***
Эсгий үүд
4 ханат гэрээс 5 ханат гэрт
***
Итгэнүү байнуу хамаагүэ
Чагтага гэж юу вэ? Миний л ойлгож авсан зүйл тул үгүйсгэгчидэд зориулагдаагүй болно; Урт богиноос хамаарч янз бүрээр билэгдэлийн дүрс үүсгэж униндаа хавчуулдаг чагтага гэж юу юм бол . Өрх айлын орлого зарлагын үүдийг үзүүрээр билэгдэн хоймроо харуулж хавчуулдаг,салхи савдаг хөөрч хуй дэгдэхээр гэриын тэнцвийг барьж ус дөш төмөр зүүдэг тэр яг юу далддаа юм бол? Олон дээс бүч байдаг ч гэрийн гол амь буюу сахин хамгаалаг ч гэж ойлгосон . Монгол бөөгийн хуягт могой лус байдаг шиг . Гэрийн ганц манжиг бол чагтага юм биш биз? Тэр гэрийн амь улаан гол юм биш биз би л хувьдаа мөн гэж итгэсэн. Өөрөө туулсан Нэгэн сургамж буюу(чагтага2018онд), унтаа сэрүүний завсар нэгэн шөнийн хагаст тэмцэлдэн өнгөрөөлөө маш том сургамж байлаа: (………………)тийчэгнэн дотроос нь огт танихгүй хоолойгоор яриад эхэллээ юууу вэээ гээд л үсрээд босоод иртэл ард минь нэгэн ихэд хүчирхэг зүйл арыг хаах мэт харзнаж байв (өвгөд минь л хааж байгаам маний чадал гэж юу байхавээ). Чи хэн бэ гэтэл Гэрийн чинь чагтагт нуугдаж байсим гээд инээж байна шүү...эргэнэгээс 2 заазуур аваад ирийг үлээгээд (…………..) 2 суганаас нь эхлээд цавчиж эхлэв ингэхээр түүнээс цус гарахгүй тайвшраад дотроос нь нөгөөх чинь өршөөл гуйгаад бахираад тэлчилээд ганцхан удаа өршөөгөөд тавиад явуулчих гээд гуйгаад байна би ч үгүй шүү алж байж сална гээд (……………) гонжгор сунасан саарал утаа шиг том хар хүн сугалж татаж гаргаад баганандаа хадаад талыг нь шатааж гал өрдөв амь гуйгаад л бахираад байв чамайг өршөөвөл яахым гэтэл айлын найранд ганцхан очих гэсийн гэнэ бас их даварсан нөхөр бас найр наадамд дуртай байх нь …Үгүй шүү чи гээд л зулгаалдаж байгаам Гэтэл араас өнөөх намайг хашиж ар дааж байсан зүйл одоо сэр босоод дариухан дарж ав гэх шиг болж ,Хөлс асгаад шал норчихсон байдалтай сэрээд л унтаж байгаа (…………….)-д толь зүүлгэх гэтэл нойрондоо би юуууу ч зүүхгүй ээ битгий гээд самардаад байхим мөнгөн толио зүүлгэтэл нам болоод эргээд унтлаа,хам хум чагтагаа тайлж аваад 2 үзүүрийг сайн зангидаад (онгодын эд) бүргэдийн сарвуунд нь базуулаад сэлэмээр дарж тавиад алдахгүй гэж домнож байгаан орхиж унтав. Үүр цайхын өмнө зүүдэндэн өнөөхийг элдэж араас өмлөн цавчисаар байгаад хөл гар гээд явах чадалгүй болгоод хамгийн сүүлд хар ширмэн тогоонд жижиглэн хийж нүхэнд булж дуусгав бүгдийг хуваагаад цуглуулчихаад бхад нүд нь эргэлдээд ам нь ангалзаад л байх тэгж нэг төгсөв . Удам залгаж өвлөж ирсэн гэр биш цоо шинэ гэр биш бол чагтагын сольж өөрийн болгож гал тулгыг бас засаж өөрсөддөө таниулж тахиж авах нь зүйтэй юм шигээ, том толь тулга эдгээрийг өөр айл хуучин эдүүдийг ах дүү садан л сайн таних биш л бод гараас гар дамжуулж эдэлэхгүй байвал зохих юм шиг. Тэхээр гэрийн чагтага амьтай ба амь гол байдгийн байна шүү утаж ариулж ариун сайхан ундаалж бас магтан хүчижүүлж байх ёстой гэр амьтай гэдгийг яс махандаа ойлгов. ӨРХ нь малгай. ЦАВАГ дээл давхарлагаа дээвэр нь хувцас бүслүүр нь бүс. ЯС МОД Араг яс Шал нь Ул Чагтага нь амь улаан гол сүнс, гал тулга зүрх нь эд хогшил авдар сав дотоод 5-н цул гэдэс ходоод бүх юм байна шүү дээ яг л хүн шиг юм гэдгийг өмнө яагаад бодож байсангүй юм болоо. Гэрийн ченж гэр авдаг зардаг хүмүүс их яасан ч гэр зарагдаж болно хүн тоононоос дүүжилж амиа хоролсон, гэр бараагаа зараад архи тоглоомонд өгсөн, уурхайд баригдаж байсан, амралтын гэр архины оромж байснуу хэн мэдлээ ямартай хүн боломжиндоо авсан гэр байвал заавал чагтага тулга хоёроороо л тэр гэрийг засаж суугаарай гэж захияаа. Сайн санаж аваарай одоо цагаас гэр бүтэн мэддэг хүн ховордох биздээ хойшид санаж явууштай, Нэгэн шөнийн ад бид хоёрын учрал хэдэн зуун зууны өв соёл мину
2019 он
Эх: fb.com/naran.zol
Улаахан Уужаа
Comments