Жавагийн үндэс, Жава GUI, Жава сүлжээ, Жава вэб програмчлал сэдвүүдийг 7 хоногт 3 удаа 10-12:30 цагт суралцаад, төгсөх мөч ойртжээ.
JDK, Eclipse, MVC, AWT, Swing, MySQL WorkBench, Laragon, maven, Apache Tiles, front load development, bootstrap, Hibernate, CRUD, JSTL, mock data гэх мэт олон багаж хэрэгсэл, аргачлал, боломжуудтай танилцаж, дадлага хийлээ.
Мөн Тэмүүлэн багш маань бидэнд програмист мэргэжилтэний ойлгож мэдвэл зохих зүйлс, Солонгосын засгийн газар Spring дээр суурилсан egovframework-ийг стандарт болгож ашигладаг болсон тухай, код бичиглэлийн зарчим, програмчлалын арга зүйнүүд, content delivery network, threading, monetize, paid content, интернэтэд оруулсан мэдээлэл бараг устдаггүйн учир, мэдээллийг нууцлах аргачлал, version control, ямар блогуудаас тайлбартай хичээл үзэж болох, системийн захиалга гүйцэтгэх үе шатууд зэрэг олон сэдвээр мэдлэг туршлагаа хуваалцсан.
Тэртээ 1994-1998 онд МУИС-ийн Математик компьютерийн сургуульд програм хангамжийн инженер мэргэжлээр Ю.Намсрай, Д.Гармаа, А.Отгонбаяр, бусад багш нарын эрдмээс суралцаж, 1998-2012 онд Хотын нийтийн төв номын санд мэдээллийн технологи хариуцан, мөн програм зохиож, үйлчилгээнд нэвтрүүлж ажилласан,
мөн Өсөх өрх өрхийн төсвийн програмыг 2003-2015 онуудад зохиож, гэрийнхээ тооцоо бүртгэлд ашиглаж байсанаа эргэн санахад
Жава програмын хэл нь MVC аргачлал, Eclipse хөгжүүлэлтийн орчинтэй нийлж хүчирхэг багаж хэрэгслэл болсныг бид эзэмших гэж байгаагаа харж, бахархсан.
- сар тутамд 3 суралцагчийг шалгаруулан 50000 төгрөгийн эрхийн бичгээр шагнаж,
- хамт олны дунд сагсан бөмбөгийн шагналт тэмцээн зохион байгуулж,
- лабораторын өрөө, цай уух хэсэг,
- Солонгос хэлний сургалтанд суух эрхийг өгч, сурах, өөрийгөө хөгжүүлэх орчин нөхцөлөөр залуусыг бүрэн дэмжиж байгаа нь өөрөөрөө бахархах, урам зориг болж байна.
Би сурч мэдсэнээ улам өргөжүүлэн, гүнзгийрүүлж, Жава ангийнхаа залуус, МКАйТи сургалтын төвтэйгээ хамтран,
- өрхийн төсвийн програмаа шинэчлэн гэр бүлийн анализын систем болгон хөгжүүлэх,
- бараа бүтээгдэхүүний баркодын системтэй онлайн лавлах
- эрүүл амьдралын хэв маягийн клубтээ бүртгэл, тооцооны програм
- барааны сериал кодыг хэрэглэгчтэй холбосон, лавлагаа, зөвшөөрлийн онлайн систем хийх зэрэг санаа зорилготой байгаа.
Амьдралынхаа 1 дэх 40 жилээ Borland Pascal-тай өнгөрүүлсэн, одоо 2 дахь 40 жилээ "Write Once, Run Anywhere" (WORA) уриатай Жава програмчлалтай холбож байгаадаа баяртай байна.
Эрүүл, идэвхитэй амьдралын хэв маягаар амьдрахыг хичээж, хэрэгжүүлж байгаа миний 3 дахь 40 жил ямар програмчлалтай холбогдохыг тэр үеийн хүсэл зорилго мэдэг!
Tsendsuren-ийн жиргээ
@TsendeeMTS
Програм хангамжийн сайн инженер болоё гэвэл ердөө дараах 3 зүйлийг гүйцэтгэчих:
1. Аль нэг скриптэн хэл сур. Пайтон хэлийг санал болгож байна.
2. Жава хэлийг сур. Жавагийн үндсэн сангийн дизайн зохион байгуулалтыг ойлгочих.
3. Түгээмэл ашигладаг нээлттэй сангуудын эх кодыг унш.
Comments