Даавуун цүнх оёход хамтарч ажиллана

Сургуулийн өмнөх боловсролын шинэчлэл ТББ-аас санаачлан, 

- Цэгээр наадъя зурлага бичвэрийн дэвтэр, Дүрсээр наадъя зургийн дэвтэр, 12 өнгийн харандаа, баллуур, харандаа үзүүрлэгч зэргээ хийдэг байх, хүүхдэд бага наснаас нь эмх цэгцтэй зан чанарыг хэвшүүлэхэд туслах

- Даавуун хавтас (цүнх) -ны загвар гаргаж, оёх хүсэлтийг бидэнд 2021 оны 7-р сард танилцуулж, ярилцаж, хамтран ажилласнаар энэ бүтээлийн загвар бий болсон.

Даавуун хавтасны хэрэглээ

✅ БҮТЭЭЛЧ 

✅ САНААЧИЛГАТАЙ

✅ ТУУШТАЙ

✅ ХИЧЭЭНГҮЙ

✅ ЭМХ ЦЭГЦТЭЙ хандлагыг хүүхдэд бий болгоход зориулагдсан.

Багц-5: Даавуун цүнхтэй "Бүтээлч хүүхэд багц"

1. "Цэгээр наадъя"- зурлагын дэвтэр 4, 5 нас

2. "Цэгээр наадъя-Аргачлалтай дасгалын дэвтэр" -4, 5 нас

3. "Цэгээр наадъя" -Баруун зүүн тархи хөгжүүлэх 2 гараараа зэрэг бичдэг дэвтэр

4. "Зураасаар наадъя"- Үндсэн 5 төрлийн зураасыг таньж, ашиглаж сурахад чиглэсэн зургийн дэвтэр

5. "Дүрсээр наадъя" - Сонирхолтой зураасаар холбогдсон энгийн дүрс ашиглан 20 агуулгаар зураг зурж сурах аргачлалтай зургийн дэвтэр багтсан.

Даавуун цүнхтэй "БҮТЭЭЛЧ ХҮҮХЭД" багц-аа захиалаад хичээлийн жилийн турш явагдах ЦАХИМ ДУГУЙЛАН-д хамрагдаарай! 

 

Лавлах утас: 9915-8825, 8915-8825

#Цэгээр_наадъя

#Зураасаар_наадъя

#Дүрсээр_наадъя

Даавуун цүнх хамтарч оёход анхаарах зүйл

Та бидэнтэй хамтарснаар зөвхөн оёдлын ажлыг хийнэ.

Оёдлын тэмдэглэгээ хийгдсэн эсгүүрийг гэрт, ажлын байранд нь хүргэж өгнө.

1) Оёдлын хөлс 5000 төг

2) Бид тантай ярилцаж, заасан хаягаар нь 10ш эсгүүрийг авч очоод,

Даавуун цүнхийг оёх дараалал, шаардлагыг хэлж зөвлөж, оёулна. 1ш-ийг оёж дуусахад 1-2 цаг болдог.
Танд даавуун цүнх оёход боломжтой санагдвал 9ш-ээ үлдээж, оёод дуусахаар нь эсвэл 2-3 хоногийн дараа тооцоо хийж, дахин эсгүүр өгөх эсэхээ ярилцаж шийднэ.

- Оёдлын хөлсийг оёсон даавуун хавтсыг хүлээж авахдаа өгнө

3) Оёдлын машины дээрээс тусах гэрэлтүүлгээ сайжруулах

4) Зааж өгсөний дагуу оёж, туршлагатай болсоны дараа технологийг сайжруулахад ярилцаж болно.

5) Буруу оёсоны оёдлыг задалж дахин засах учраас анхааралтай, сэтгэлээ гаргаж оёорой!

Та бидэнтэй Даавуун цүнхний оёдол дээр хамтарч ажиллахдаа 

- дээрх 5 нөхцөл байдлыг ойлгосон, зөвшөөрсөн эсэхээ "уншлаа, зөвшөөрч байна" гэж хариултыг дараах чатаар бичээрэй,

- эсгүүр хүлээн авах хаягаа мөн дараах чатаар бичээрэй:
 Фасебуук чатаар бичиж харилцах хэрэгтэйг анхаарна уу!

- эсгүүрийг Ж.Бэгзсүрэн, Б.Мөнгөнсоёмбо хийж,
- оёдолчин, уран бүсгүй Г.Мягмарбаяр, Б.Мөнгөнсоёмбо, Б.Энхмандах, Сайнаа, Энхмандах, Э.Чимгээ, Бадамханд, Оюунцэцэг, Халиунаа нар сэтгэл гарган оёж байна.

2022 оны загвар

Өмнөх оны загварт байгаа товчлуурын товчны нүх хэрэх ажлын үнэлгээ, мөн төмөр товч 1ш - 200 төг болж зардал өссөн, мөн оёдлын ажиллагааг багасгах хүсэлтийг харгалзан дараах загварыг бүтээлээ. 

Эсгүүрийг дараах 4 хэсгээр хийж, бэлтгэсэн уяа оосор, кноп, хуванцар, бариулны оосор зэргээ нэгтгэж оёж бүтээж байна. 

1. Их бие 47.5х33х2ш
2. Том гурвалжин халаас 20х20х1ш
3. Жижиг гурвалжин халаас 16х16х1ш
4. Харандааны сав 25х44х1ш

- 155см өргөнтэй бомберийн зузаан материал 4.9см2
- 1см өргөн солонгос боолтны уяа 72см
- 121см өргөнтэй тунгалаг хуванцар 48см2 (8x6см - 15ш-ээр 16 эгнээ 240ш)
- 2.5см өргөн оосор 35см
- 7.5см диаметртэй хэвлэмэл дугуй лого
- 1.2см диаметртэй кноп 4ш

2021 оны загвар

Даавуун хавтас нь 19 эд ангиас бүрддэг, үүнд даавуун эсгүүр 9ш эд анги, 2ш бариул, 4ш товчны нүхтэй түгжээ, 4 товч багтана. 

1. Эсгүүр

Зургийн дэвтэрийн хэмжээ 20.5х29.5см, Цэгээр наадъя дэвтэр 17.5х25см хэмжээтэй, мөн оёдлоо оруулж эсгэх, аль болох даавуугаа бүрэн хэрэглэхээр эсгүүрийг гаргасан. 

Эсгүүр хийх үедээ 

- гадна талд лого оёх, хуванцар оёх тэмдэглэгээ,

- дотор талд гурвалжин халаас оёх тэмдэглэгээг хийнэ.

Бомбер материал нь гулсамтгай болохоор нь эд анги бүрээр зурж, хайчилж байна. Мөн энэ материал хоёр захдаа оёдлын ул мөртэй, өргөний хэмжээ 156-158см болж өөрчлөгддөг.

Нүүр, дотор талд                                              49х35см 2ш
Дунд талын гурвалжин халаас                        24х24см 1ш

Цэгээр наадъя дэвтрийн үелсэн 2 халаас       20х24см 1ш 

Харандааны савны бие                                    26х24см 1ш
Харандааны савны таславч                             20.5х(8-10)см 1ш

Харандааны савны таг                                    43х(8-10)см 1ш

Дараах эсгэх байдалд
49см энтэй тайрсан даавуун дээрээ үлгэрээ тавьж, 35см-ээр тайрах үедээ лого болон нэр хийх тунгалаг хуванцарыг оёх байрлалын тэмдэглэл хийсэн.

56-58см энтэй тайрсан даавуун дээрээ үлгэрээ тавьж, 24х20, 24х24, 24х26, (8-10)х43, (8-10)х20.5см-тэй эсгүүрээ хийж, хайчилна.

Бусад бэлдэх зүйлс:

- Товч 4ш

- Дугуй лого (8см диаметр)

- Нэр хийх тунгалаг хуванцар (5.5x8см)

- Товчны нүх хэрж оёсон 4ш товчлогч (5.5см урт, 2см товчны нүх хэрнэ)

- Бариул 2ш (17см урт 2см өргөн)

Логог дугуйлж хайчилж бэлтгэнэ. Хэрвээ лого хэвлэсэн даавуу нимгэн байвал цаасан наалт нааж индүүднэ. Наалт нааж индүүдэхдээ даавуу нийтдээ хунирдаг тул анхаарах.

Лого хэвлүүлсэн гялгар, нимгэн даавуу нь 146см өргөнтэй, эгнээндээ 17ш лого хэвлэгджээ.

Тунгалаг хуванцарыг хэмжээгээр нь зүсэж оёход бэлтгэнэ. Хүүхдийн нэр бичсэн цаасыг шургуулж хийх доторх зай 4х7.5см байхад болно гэсэн учраас эсгүүрийг 5.5х8см-ээр хийсэн.

Энэ хуванцар материал нь 82см-ийн өргөнтэй.

Бариулыг хэмжээгээр тайрч, товчлогчийн нүхийг хэрж оёж, үзүүрийг сэмрэхээс сэргийлж түлж бэлтгэнэ

Дээрх нийт эсгүүр, оёдолд бэлтгэх ажлын урамшуулал 1500 төг.

Товчлуур - 4ш. 

- Товчлуурын 2 ирмэгийг сэмрэхээс сэргийлж түлж бэхэлдэг.

- товчны нүх гаргаж байгаа оосорны материалын орцод хуванцар их байх тусам материал хатуу болж оёдлын машин дээр дуу чимээ ихтэй оёгддог, мөн товчны нүх гаргаж оёсоны дараа, нүхийг сэтлээд, сэмэрсэн хэсгийг түлж бэхэлдэг.

өөр нэг материал сонгож, хуванцарын орц багатай 2см өргөнтэй, зөөлөн материал дээр товчны нүх гаргаж оёж байгаа.  

Оёдлын дараалал, анхаарах зүйлс 

2. Харандааны сав оёно

3. Халаасуудыг дотор талд оёно

4. Гадна талд тунгалаг хуванцараа оёно

5. Дотор, гадар талаа нийлүүлж оёно

2. Харандааны сав оёно

- Харандаа хийх таславч (20.5см), харандааны савны таг (43см)-ны эсгүүрийн ирмэгийг нугалж оёж, сэмрэхээс хамгаална.

- Харандааны савны бие (26x24)-ний эсгүүрийн өндөр талын дээд талд таг, доод талд таславчийг нийлүүлж оёно.

- 12 өнгийн, 2ш балын харандаагаа хийх 7 жижиг халаасыг таславч дээрээ оёхдоо таславчийн дээд ирмэгийн оёдлоос эхэлж, доод ирмэгээс 1.5см-д оёдлоо дуусгана.

Харандааны савны доод таславчийг оёхдоо анхаарах зүйл

нийт 19см-ээ тэнцүү хувааж, 2.6-2.7см-ийн зайтай 6 оёдол хийнэ. 1таславчинд 2ш өнгийн харандаа багтдаг байна. Оёдлыг дээд ирмэгээс эхэлж доод талаас 1.5см зайд дуусгана.

3. Халаасуудыг дотор талын биений эсгүүр дээр оёно

Дотор талын биений эсгүүрийн нэг талд даавууны сахал орсон байгаа нь даавууны өөдөс гаргахгүй, бүрэн хэрэглэхийг зорьсоныг харуулна.

Дотор талд 2 босоо гурвалжин халаас, 2 том адил талт гурвалжинг хэвтүүлж оёно.

4. Гадна талд тунгалаг хуванцар оёно

- хайчилж бэлтгэсэн тунгалаг хуванцар,
- оёх байрлалыг тэмдэглэсэн гадна талын эсгүүр

Тунгалаг хуванцарыг оёхдоо оёдлын машиныхаа хуванцар улаар, ирмэгээс нь 3-5мм-т оёно. 

5. Дотор, гадар талаа нийлүүлж оёно

Бүтээгдэхүүн хөгжүүлэлт

Анхны санаа

харандааны ар талд Дүрсээр наадъя зургийн дэвтэр байх, бичвэрийн Цэгээр наадъя дэвтрүүд зүүн талдаа шаталсан гурвалжин халаасанд байрлах, баллуур, үзүүрлэгчийн халаас гэх мэт.

Санааг бүтээл болгохдоо гаргасан шийдлүүд

- Даавууг өөдөс, хаягдалгүй бүрэн ашиглаж эсгэх

- Харандааны сав салдаг байх

- Харандааны савны дээд таглагчинд баллуур, үзүүрлэгч байрлах

 

Даавуу, материалын орц

2021 оны 10-р сарын байдлаар худалдаж авсан

- даавуу 1м - 2500 төг
- сэнжтэй товч 1ш - 100 төг (үнийн өөрчлөлт 2021.11.14 1ш-200төг)

- оосор 1м - 800 төг

- тунгалаг хуванцар 1м - 8000төг

- 8см диаметртэй дугуй лого хэвлэлт
      тугны торгомсог материал 1м2 - 50000төг 2м2-д 323ш лого 

- эсгүүр 1500 төг

- оёдол 4000 төг

- 4 товчлуурын товчны нүх хэрэх, түлж бэлтгэх 1000 төг

- Логог зиг заг оёдлоор оёход 100 төг

- 4ш товчийг хадахад 400 төгрөгөөр тооцогдож байгаа.

Даавуун хавтасны оёдлын дараалал болон материал сонголт, загвар шинэчлэлт дээр нээлттэй ярилцаж, шийдвэрлэнэ. Та санал бодлоо бидэнтэй ярилцаарай.

Хамтын ажиллагаанд ойлголцол маш чухал

1. Даавуун хавтас оёхыг үндсэн ажил  болгох шаардлагагүй. 1 хүн 1 өдөрт 1 даавуун хавтас оёно гэсэн уриатай.

2. Даавуун хавтасны эсгүүр өгөх болохоор нь хэн эсгүүр авах вэ гэж асууж байгаад хүргэж өгч байгаа

3. Бид хоорондоо хэн нь ч найз нөхөд, хамаатан садан биш учраас нэг нэгэндээ мөнгө зээлэх, зээлдүүлэх үүрэггүй, бусдаасаа туслалцаа асуух, туслах нь тухайн 2 хүний зохицох, ярилцах зүйл болохоос Даавуун хавтасны оёдолд хамтарч ажиллаж байгаатай ямар ч хамаагүй

4. Танд БийСоё-оос эсгүүр өгөхөөс өөр хэн нэгэн эсгүүр өгч, оёулах хүсэлт гаргахгүй. Мөн оёдлын мөнгөн тооцоог БийСоё хариуцаж байгааг анхаарна уу.

5. Хэрвээ их ажлын захиалга авч, мөн ямар нэг ажил гараад Даавуун хавтсаа оёж амжихгүй гэвэл, оёсоныхоо тооцоог хийгээд, буцааж болно.

Энэ мэтчилэн хувь хүн бүр хариуцлагатай, мөн санаачлагатайгаар харилцаж, нөхцөл байдлаа бидэнтэй ярилцаж байхыг хүсье.

Даавуун хавтасны эсгүүр авч, сэтгэлээ шингээн оёж бүтээж байгаа тантай хамтран ажиллаж байгаадаа бид талархаж байна. Яарах хэрэггүй, зөвхөн сэтгэлээсээ.

Цаг хугацаа зарцуулалт

- Оёх дараалал, анхаарах зүйлсийг хэлж өгөөд таниар 1ш даавуун хавтас оёулахад 1-2 цаг

- 1ш товчны нүх хэрэхэд дунджаар 35 секунд

Бид өөр ямар оёдол үйл урлал хийдэг вэ?

Бүтээгчдийн нэгдэл Creative Mongolia-г ажил үйлсдээ хэрэглэж,

 
- Монголын хөлөгт тоглоом сурахад туслах Есөн даваа тоглоомын богц

- Зураач Undraa Art, СӨБШ-ийн Даавуун уут

- АНУ-ын Endangered Alphabets Project байгууллагын захиалгаар УЛУС тоглоомын хөлгийн загварт оролцож, 400ш даавуун хөлгийг бид багаараа оёсон