40 насны өндөрлөгөөс ууган хүүхдээ 20 настай болох үеийн бодол ухаарал: Аав ээж болохоос 9 сарын өмнө мэдвэл зохих

Аав ээж болохоос 9 сарын өмнө мэдвэл зохих: Хүүхдийг ерөөл тавьж, залбирч байж олдог гэх юм, үнэн үү?

ХҮҮХЭД 1-3 НАСАНДАА БУРХАН БАЙДАГ.
-Хүүхдийг ерөөл тавьж, залбирч байж олдог гэх юм, үнэн үү?

-Тийм ээ. Эр, эм хоёр хүүхэд анх олохдоо энгэр зөрүүлэх ивээлтэй сайн гаригийг зөв сонгох хэрэгтэй. Энгэр зөрүүлэх ээлтэй гариг, харш өдөр гэж бий. Хүний сүлд шинийн 28, шинийн 15, 30-нд бүх биед түгдэг тул энгэр зөрүүлэхийг ихэд цээрлэдэг. Учир нь хүний хийсэн үйлтэй харгалдаад янз бүрийн үйлийн сүнс үр хүүхэд нь болох гээд отчихсон байдаг. Энэ ёсыг баримтлахгүй энгэр зөрүүлбэл урьд насны өр төлөөсөө авах авлагатай хүн хүүхэд нь болж төрөөд, эцэг, эх хоёроо үгүйрүүлэн хоосруулаад гудамжинд гаргадаг. Урьд насанд нь амь насны өглөгтэй хүн өс хонзонгоор үр нь болж ирээд, аав, ээжийгээ тамлан зовоож, амийг нь хөнөөдөг. Буянаар ирсэн хүүхэд аав, ээжийгээ асарч тэтгэнэ.  Тэгэхээр үр хүүхдийг буянаар олж авахын тухайтад энэ нарийг ёсыг гаргасан юм шүү дээ.



-Эх хүн хэвлий дэх үрээ хэрхэн хайрлаж, хамгаалдаг ёсноос сонирхуулж яриач?
-Жирэмсэн эмэгтэй өмсөх зүүх, явдал суудлаа зөв тохируулдаг нарийн дэгтэй. Бие шалтгаантай болсноос хойш далийж суухгүй, зохисгүй зүйл идэхгүй, нүдээр аливаа муу үйл харахгүй, чихээр янз бүрийн дуу авиа сонсох ёсгүй юм. Хэвлийдээ үр тээж буй эмэгтэй угаас эр эмийн ажлыг хорьдог. Хэвлийд бойжиж буй үр эмзэг тул зуу дахин мэдрэмтгий байдаг. Эх хүн халуун цай уухад хүүхэд буцламгай халуун ширмэнд буй мэт зовдог. Хүйтэн ус уухад мөс рүү орсон мэт даарч зовдог. Үсэрч харайхад хавцал ганга руу унаж буй мэт айна. Хөл хүндтэй үед эр эмийн ажил хийвэл хадны завсар хавчуулагдсан мэт шахагдаж зовдог. Ээжээс төрж, хорвоод мэндлэхдээ хүртэл зовж л байдаг. Хүүхэд төрөхдөө амьдаараа хуулуулж буй мэт зовохоос гадна хуулсан махан дээр нь батгана, шумуул хазаж буй мэт часхийн өвддөг. Зөөлөн гараар барихад хүртэл харцага, болжмор шүүрч байгаа мэт, зөөлөн даавуунд боож авахад өргөстэй харганад хийсэн мэт зовно. Хүүхдийг гурван нас хүртэл нь үлгэрлэдэг хүмүүс эцэг, эх нь байдаг. Үлгэр болж өгсөн зүйл нь хүн болох хамгийн анхны суурь болж сэтгэлд нь шингэдэг. Ийм үед нь эцэг, эх хоорондоо хэрэлдээд, загнаж зэмлээд эхэлбэл муу зүйл бүрддэг. Хүүхэд 1-3 насандаа бурхан байдаг гэж монголчууд ярьдаг. Яг энэ үед нь бурхан байгаа чанарыг хэвшүүлэн тогтоож, дэргэд нь муу үнэртэн үнэртүүлэхгүй, чихэнд нь билгэгүй үг хэлэхгүй, нүдэнд нь муу үйл харуулахгүй байх хэрэгтэй.
-Урьд төрөлдөө ямар хүн явснаа мэдэх боломжтой юу?
-Урьд төрөлдөө ямар хүн явсныг хутагт, хувилгаад бодьсадва нар таньдаг. Том хувилгаад захиа бичиж үлдээдэг. Бичсэн захиаг нь Сажава, Гармава, Нямава Гэлүвэ ёсны том лам нар лацдаж битүүмжилдэг. Гурван жилийн дараа цуглаж, онгойлгоод захиаг нь тайлж уншихад “Би тийм газар тийм хүний хүүхэд болоод тийм нэртэй төрнө” гэж бичсэн байдаг. Очоод үзэхэд яг байж байдаг. Энэ нь эрдмээ мартахгүй төрж байна гэсэн үг. Өөрөө хаана төрөх төрлөө дураараа авч чадаж байна шүү дээ. Энэ нь үхэл буюу зуурдад эрхшээлийг олж чадсан гайхамшиг. Бид зөв явж, дараа төрөлдөө эрхшээлийг олох, санаснаараа хаана, ямар хүнд төрөх, үгүй бол төрөл доошлохгүй байх сайн үйлийг энэ насандаа бүтээх хэрэгтэй.
Г.Пүрэвбат:Эмэгтэйн хүнд айлын бэр болоход үл зохих нас гэж бий
Хорвоод эрдэнэт хүний биеийг олж мэндэлдэг нь буянаар олж төрдөг гайхамшигтай төрөл ажээ. Ертөнцөд орших юм бүхэн учиртай. Хүний амьдрал, хувь заяа, тавилан төөрөг тайлагдашгүй оньсого мэт боловч үүнийг төрсөн өдөр, он сар, од гариг, эрхэс, дуудах нэрээс нь шинжлэн судалж, толь мэт тодорхой тайлан уншдаг байна. Монголчуудын эртнээс уламжилж ирсэн сар шинийн баяр хаяанд ирлээ. Морилон ирж буй XVII жарны “Галзууруулагч” модон хонь жилд эрхэм уншигч авхай та бүхэн юу санасан есөн цагаан хүсэл тань сэтгэлчлэн биелж, элгээрээ энх амгалан, төрлөөрөө төвшин амгалан сайхан шинэлээрэй. Энэ удаа Бурханч лам Г.Пүрэвбатын cонирхолтой цуврал ярилцлагын эхний хэсгийг хүргэе.