🥰Дарш бэлтгэсэн аргачлалаа хуваалцаж✍️ байна. 🥰👇
Халгайн дарш
👉Орц:
Халгай 89%
Хивэг 10%
Шар сүү
👉Технологи ажиллагаа:
Даршлах сав бэлдэх пошиг уут
Хэрчигч бутлагч
Хүрз хадуур гэх мэт хэрэглэгдэх багаж төхөөрөмжөө сайтар бэлтгэнэ.
Эхлээд өвсөө хадаж бэлтгээд хэрчигчинд хийж жижиглэнэ. 2,6 см урттай хэрчсэн халгайг хивэг хийж багсарна. Тухайн ургамлын чийг хэр байгаагаас шалтгаалан шар сүү нэмж хийж чийглэж даршны чийг 70% байхаар тооцно. Үүний дараа бэлтгэсэн галгар уут бүхий саванд бага багаар хийж дээрээс нь гишгэж нягтруулсаар сав дүүрсэний дараа амсар дээр 1.5 см давсаар хучиж уутны амсарыг агаар оруулахгүйгээр сайтар бооно. Савны амсарыг таглана. Үүнээс хойш 45 хоног дотор даршийг нээж үзэж болохгүй учир нь даршны исэлдэх процесс явагдаж байгаа юм. Болж өгвөл малаа тэжээх үедээ нээж үзээрэй.
👍Луувангийн ногоон ишээр дарш хийсэн нь:
Орц:
Лууван 70 %
Хивэг 10 %
Лууль 20 %
Дээрхтэй ижил боловч шар сүү огт хийгээгүй. Учир нь луувангийн иш маш их шүүстэй байсан тул хивэгээр багсраад даршилсан.
👍Луулин дарш
Орц:
Лууль 89%
Хивэг 10%
Шар сүү /Үндсэн түүхий эдийн чийгээр хамаарч шар сүү оронд эсвэл огт орохгүй/
Халгайн дарштай ижил технологи ажиллагаатай.
🥰Та бүхэнд амжилт хүсье. 🥰
❤️Арга зүй зөвлөмжөө харамгүй хайрласан эрхэм багш нартаа маш их баярлалаа. Gurbazar Damdinsuren Baasanjalbuu Bayaraa Бат-Эрдэнэ Амарбатын ❤️❤️❤️❤️❤️❤️❤️
❤️
***
Мал маллах арга ухаан
* Өвөлжөө нь уулын нөмөр, баруун талыг барьж нар жаргахыг эрхэмлэдэг. Зүүн талд хүүшлэхэд хот цэвдэгшдэг.
* Мал өсгөж бэлчээгээд, уруудаж хотлоход сайн. Эсрэг бол малд хэцүү.
* Намаржаа устай, зуслантай ижилдүү газар байвал сайн.
* Өглөөний жавраар мал бэлчээх нь муу, мал зутардаг.
* Ногоо өвс гүйцэхэд тарга чавхарч, өөх нь тослог болдог.
* Хужиртай, халуун өвс цэцэг навч ихтэй газар маллавал сайн.
* Элс шавар дээрээ байвал сайн, намар довцог дээр сайн гэдэг.
* Сэрвээ өндөр, борви босоо, хэнхдэг өргөн, өвчүү хавирга өндөр эцэг малаар тавьдаг.
* Адуу, үхрийг хязаалан насанд нь сургавал сайн.
* Малын гэдэс хөөхөд ханадаг.
* Эх мал төлөө голбол хамарт нь цагаан хальсыг үнэртүүлж авхуулдаг.
* Шар шороо авах нь сөрөг юм.
* Малын хүч тарга алдахаас өмнө бага тэжээл өгвөл сайн хүч тогтоно. Доройтсон үед тэжээх нь их ажилтай, услах нь сайн.
Угсаатны зүйн хээрийн судалгаанаас
***
Хэрэг болж магадгүй шүү ! Манайхаан хадгалаад ав !
Муудсан малыг хурдан тэнхрүүлдэг ийм сайн арга байдаг юм байна шүү 🙌
Одоо л малчдад туслах цаг шүү. Мал нэгэнт дор ороод турчихаар хаврын хахир хүйтнийг давахад хэцүү болчдог. 1980 хэдэн онд Дорноговь аймгийн Улаанбадрах суманд малчдад туслах мэргэжилтнээр сар гаруй ажилласан туршлагаа хуваалцая. Бэлчээр мал бэлчих аргагүй болоод Орос улсын Барда тэжээлийг сумын төвийн дулаан байр болгонд их хэмжээгээр бэлтгээд айлуудад трактороор зөөвөрлөн өгч мал тэжээх аргыг нь гардан зааж байлаа.
Мал нь өлдөж үхэхгүйг мэдсэн малчид маань гэр гэртээ хийж малаа тэжээгээд малын хорогдол тун багатай давсан даа.
Барда тэжээлийг хийх тун амархан.
🇲🇳 Хивэг халуун ус исгэгч хивгээ исгэх тагтай томхон сав зэргийг бэлтгэнэ
Жишээ нь 10 литр тэжээл бэлтгэхийн тулд 10 л -ийн саванд 5 л орчим буцлам халуун ус хийгээд дээр нь 2 шанага хивэг нэмээд сайн хутгаад
1 уут исгэгч хийж хутгаад сайн дулаан хучаад галын хажууд хонуут байлгахад исдэг.
Исэлт дууссаны дараа саваа дүүртэл халуун ус нэмээд малаа тэжээнэ. Хашааны аман дээр зогсоод малаа цувуулж гаргахдаа 5 бог малд
1 шанагыг хуваагаад өгнө.
Бод малд нэг шанагыг өгч байсан. Иссэн хивэгний шимт бодисууд нь малын биед хялбар шингэх төлөв байдалд орсон болохоор амь тариа хийсэн шиг сайн нөлөө үзүүлдэг шүү.
Бас багахаан хивэгээр олон мал аврах боломжтой.
Малчиддаа туслах гэсэн сайхан сэтгэлт хүмүүс минь энэ аргыг сайн түгээж өгөөрэй.
Мал, малчид минь урин хавартайгаа хохирол багатай золгоосой.. 🇲🇳🇲🇳🇲🇳🙏🏻🙏🏻
Давстай хар цай бас, дастай усаар хивэг зуураад өгвөл мал даарахгүй муу мал өнгө ороодл явдаг юм
Tim shu yadarhaasan umun ehlej ugch ehelvel sain havar bolgon esgej ugdug uugad surhaaraa hurdan uuh geel tesej yadan
https://www.facebook.com/tseregbaatar.odgerel
***
МАЛАА ХЭРХЭН ОНД МЭНД ОРУУЛАХ ВЭ? Монгол улсын Хөдөлмөрийн баатар зоотехникч Д. Бараадууз
Малчдад зориулсан зөвлөгөө.
Ер нь малыг турахаас нь өмнө нэмэгдэл тэжээл өгч байх,
⁃ Мал тураад амьдын жингийнхээ 70% иа алдсанаас хойш эрүүний булчин сулараад идсэн тэжээлээ таслаж бутлаж чадахгүй бүхлээр нь залгиад эхэлдэг тэр нь ходоодонд зангирч бөөгнөрөөд буцаж хэвлэг бололгүй ходоодондоо муудаад ядарсан малыг хордлого болгон үхүүлдэг юм байна лээ. Хүнсэнд хэргэлсэн малын сэвс 1 см орчмоор таслагддаг бол зуданд үхсэн малын гүзээнд 2-3 бөндгөр тэжээлийн үлдэгдэл бүхлээрээ байж байдаг,
⁃ Нэгэнт доройтсон малыг исгэж, дэвтээсэн тэжээлээр тэжээвэл сайн байдаг, хүчит тэжээлийг исгэж дэвтээгээд 1 аяга (300 гр) өгөөд 3-4 цагийн дараа 500 гр өвс өгөх, тосыг нь ялгасан шөл, (ясны шөлөөр) хивэг, хүчит тэжээлийг зуурч бага багаар сувилалын тэжээл болгон тэжээхэд сульдсан мал дорхноо тэнхэрдэг,
⁃ Исгэж дэвтээсэн 300 гр хивэг, багсармал тэжээл, 500 гр өвсөөр 1- 2 хоног тэжээснээс хойш ядарсан малын үхэл зогсдог бөгөөд тэжээлийг үргэлжлүүлээд өгөөд байхаар сэхээд ирдэг тиймээс хэт дор орохоос нь өмнө тэжээлд оруулбал үр дүнтэй байдаг шүү,
⁃ Турж доройтсон малын нүд нь нуухтсан, сүүлээ хавчсан, хамарт нь шороо шигчсэн, цустай нус гоожсон байдаг. Өглөө бэлчээрт байгаа малаа нэг бүрчлэн хараад муудсанаа ялгаж аваад дээрх аргаар тэжээхэд 48 цагийн дараа хавчсан сүүлээ сөхөөд, нүдний нуух нь арилаад ирдэг, тэжээлээ зогсоолгүй үргэлжлүүлээд тэжээгээд байхад засраад сайхан болчихдог,
⁃ Малыг бэлчээрт явахаас нь өмнө муудсан малаа бүлээн хар цайгаар услах, тосыг нь ялгасан ясны шөл багахан уулгах маш сайн, бэлчээрт гараад чангараад ирдэг,
⁃ Ясыг буцалгаж тосыг нь ялгаад шөлийг нь доройтсон малд уулгахад маш амархан тэнхэрдэг, хатаасан ясаа няцалж буцалгаад бүлээнээр нь малд уулгах, бусад тэжээлтэй холиод өгөхөд муудсан малыг амь тариа шиг л уячихдаг,
⁃ Боодолтой өвсийг 4 м берзент, даавуун дээр задлахаар 3-4 кг нунтаг өвсний шим нь үлддэг үүнийг хүчит болон багсармал тэжээлтэйгээ холиод малаа тэжээдэг байсан. Боодлийн өвсөө ингэж ашиглах хэрэгтэй. Бууцанд дээр задалсан өвсний шим нь бууцтайгаа холилдоод тэндээ хаягддаг, Бог малд тэжээлийг хошуувчинд хийгээд өгөхөөр хаягдалгүй бүх мал жигд сувилалын маягаар тэжээгддэг юм. Тэжээлийн онгоцонд хийхээр чадалтай нь их идээд чадалгүй нь идэж чаддаггүй сул талтай. Ногооны хальс, цайны шаар, модны үрдэс, модны навч, саахар, гурилтай шөлний үлдэгдэл малын тэжээлд нэмэртэй байдаг
⁃ Кальци фосфор дутагдсан мал яс мэрээд байдаг тиймээс малыг хужирлах маш чухал. Хужир бол “мал турахад тушаа”, “даарахад дах”, “таргалахад ташуур“ гэдэг тиймээс 4 улиралын турш хужраар хангах хэрэгтэй. Хужирыг баяжуулж хэрэглэх 40% хужир + 30% давс+ шатаасан ясны шаар хийгээд бүрэн найрлагатай болдог. Ясны гурилыг хүчит тэжээлтэй хольвол бүр сайн хужир сайтай мал хээл хаядаггүй,
⁃ Малыг усаар цангаав. Шуурах, хүйтрэх цас орохоос урьтаад ханатал нь сайн услаж бай. Бог мал идсэн 1кг тэжээлээ 3 литр усаар шингэлж байж шим тэжээлийг нь биедээ авдаг байгаа шүү,
⁃ Яагаад ядарсан малын хамарнаас цустай нус гардаг вэ? Эрээн хэдгэнэ, шимэгч хорхой авгалдайгаа малын үсний уг руу шахдаг адуу мал биеээ шүдээрээ маажихдаа угтвар ходоод руугаа оруулдаг. Мал ядрах үед энэ авгалдайнууд (гуур) хоолойн угнаас бүдүүн гэдэсний үзүүр хүртэл байрлаад идсэн тэжээлийн шимийг нь сорчихдог. Эвэр, туруу, ясыг шатааж хүхэр ихтэй утаагаар нь уг малыг утангуут авгалдайнууд нь хордож үхээд гадагшилдаг юм.
⁃ Бог малын хоолой төвөнх дээр хуруугаараа дарахаар хахаж цацаж байвал уушигандаа оёгтой гэсэн үг тусд нь ялгаад эмчилгээ хийх хэрэгтэй,
⁃ Ногооны хальс, цайны шаар, модны үрдэс, модны навч, саахар, гурилтай шөлний үлдэгдэл малын тэжээлд нэмэртэй байдаг,
⁃ Дундуур идэш, дулаан хэвтэр гэдэг малаа ядаж дороос нь бүү дааруул! Өглөө малаа гаргаад хотныхоо хорголыг овоолж бай орой хотлоход нь тараагаад байхад хэвтэр бүлээн байдаг. Бууцны голд 1 м орчим нүх ухаад жаахан галлаж байгаад хөлдүү бууцаа хийхээр дулаан хэвтэр болдог.
МАЛАА ОНД МЭНД САЙН ОРУУЛААРАЙ.
Малыг усаар цангаав. Шуурах, хүйтрэх цас орохоос урьтаад ханатал нь сайн услаж бай. Бог мал идсэн 1кг тэжээлээ 3 литр усаар шингэлж байж шим тэжээлийг нь биедээ авдаг байгаа шүү,
⁃ Яагаад ядарсан малын хамарнаас цустай нус гардаг вэ? Эрээн хэдгэнэ, шимэгч хорхой авгалдайгаа малын үсний уг руу шахдаг адуу мал биеээ шүдээрээ маажихдаа угтвар ходоод руугаа оруулдаг. Мал ядрах үед энэ авгалдайнууд (гуур) хоолойн угнаас бүдүүн гэдэсний үзүүр хүртэл байрлаад идсэн тэжээлийн шимийг нь сорчихдог. Эвэр, туруу, ясыг шатааж хүхэр ихтэй утаагаар нь уг малыг утангуут авгалдайнууд нь хордож үхээд гадагшилдаг юм. Хөдөлмөрийн баатар зоотехникч Бараадууз гуайн ярилцлагаас…
***
...
Comments