Малчин айл нь хүнс хоол, хувцас хунар, эд хэрэглэлээ өөрсдөө хийж бэлтгэдэг, хот айл, саахалт айл, нутаг усныхантайгаа хоршиж хамтраад хийх, солилцоод авдаг чадвар, харилцаатай байдаг.
Алтан дээд Гэр ИЭ - Үндэсний амьдрахуйн онол, арга зүйд Малчин хүмүүнийг 1393 мэргэшил (мөргүншил) -тэй гэж тодотгосон билээ.
Нутаг ус, газар орны онцлогоо таньж, ахуй соёлоо бүтээж, онцлог шинж байдлаараа бусадтайгаа нэгдэж, хоршиж, хариуцаж АМ+АР мэнд жаргадаг гэдэг.
Малчин айл өглөөний нар мандахаас оройтож сэрэх боломжгүй, үнээ тугал нь мөөрөлдөж эздээ дуудаж, эрт босоход сургадаг.
Өглөө сэрээд, булгийн рашаан усаа ууж, үнээгээ сааж, үхрийн нойтон баасаа дэлгэх, өдөр тугал харах, аргал түүх, орой үхэр хотлуулахаас эхлээд бүхий л ажилд хүүхэд, хүн бүхний тус нэмэр хэрэгтэй.
Та өөрөө болон хамт явж байгаа хүүхэд, залуус, хэн бүхнийг тал хээрийн салхи, элс шороо, бороо цастай эсэх гээд цаг агаарын урьдчилсан мэдээг харж, малгай, дээл, хагас түрийтэй гутал, дулаан хувцаслахыг зөвлөөрэй. Малчин ах дүүсийндээ ирчихээд даараад байна, цаг агаар ийм тийм гэж ярих хэлэх нь хэн хүний сэтхэлийг тавгүйтүүлнэ.
Хүн бүр хувийн аяга, халбага, аяганы алчуураа аваарай. Малчин айл илүү аяга, халбага хадгалах, авч нүүдэггүй гэж ойлгоорой.
Хөнжлийн углаа мөн дэвсгэр даавуу, гар нүүрийн алчуураа авч ирж, хувийн ариун цэврээ хадгалаарай.
Танайд очих гэж байна, юу авч очих вэ, захих зүйл байна уу гэж асууж холбогдоорой. Тэгээд захисан зүйлээс нь өөр зүйл нэмж авч очих хэрэггүй.
Холбогдож асуух боломжгүй бол юуг ч өөрийн дураар, дуртай, хэрэгтэй байх гэсэн хүнс, барааг бэлэг болгон авч очихыг тэвчээрэй. Малчин айл нь хөргөгчинд хагас боловсруулсан болон бэлэн хүнсээ хадгалдаггүй, харин чанар шимтэй дээр нь айл хотол, ах дүүсээрээ хуваарилан хүртдэг.
Малчин айлаас зочид, садан төрөл тандаа сүү, тараг, өрөм, өөрсдөө хийсэн молоко, ааруул, ээзгий, цагаан тос гэх мэт цагаан идээгээ хишиглэх нь тодорхой учраас төмөр битон, хүнсний зориулалттай хуванцар сав, тагтай шил сав гэх мэтийг бэлдэж ирээрэй.
Харин очсон хойноо данс руу нь мөнгө шилжүүлж, эсвэл бэлэн мөнгө өгч тэр айлаа өөрсдөө худаддаж авах боломжийг олгоорой. Малчин хүн зээл авахгүй байхад анхаарч, элдэв мөнгөн зээлээс болж АМ+АР амгалан байдлаа бусниулж байгааг ярилцахад, "өргүй бол баян, өвчингүй бол жаргал", "авах хүнд нэг үг эрдэнэ" гэх сургааль - амьдралын хууль ойлгогдоно.
Энэ бүхэн нь та бид аялалд хувийн бэлтгэл, төлөвлөлт шаардлагатай байдгийг ярилцах, эрүүл мэндээ хамгаалах, байгальд хог хаягдал авчрахгүй байхад, малчин эрдмээ хадгалахад нь дэмжихэд зориулагдлаа.
Япон улсаас ирсэн аялагчийн хүсэл зорилгоос дараах бодол санааг олж таньлаа.
Мөн газар орон, нутаг усны онцлогоороо ахуй соёл бий болсоныг хүндэтгэн ойлгож, онцлогийг хадгалцгаая.
Манайх өрх бүлд зориулж өдрийн хөтөлбөрт аялал зохион байгуулдаг.
Comments