Бидний амьдралд сонголт, боломжууд өгсөн дараах үйлчилгээ, боломжуудад бид талархая.
1)
Хотод ойрхон, зуслангийн цэвэр агаар
Бага насандаа хөдөө өсч, Улаанбаатар хотод шилжин ирж суралцаж, ажиллаж, Дарь эхийн өндөрлөг газарт гэрээ барьж амьдарч өнөөг хүрсэн миний хувьд агаарын тунгалаг гэдэг зүйлийг бараг мартсан байжээ.
2020 оны 5-р сард Өвөр гүнтийн зусланд нүүж ирээд агаар, шилмүүст ойн агаар, хөл нүцгэнээр өвсөн дээгүүр алхахын зөөлөн, чийглэгийг мэдэрч, байгаль эх бидний тунгалаг агаараар мөч бүхэнд тэтгэж, ариулж байдагт талархаж байна.
2020 оны 5-р сард Өвөр гүнтийн зусланд нүүж ирээд агаар, шилмүүст ойн агаар, хөл нүцгэнээр өвсөн дээгүүр алхахын зөөлөн, чийглэгийг мэдэрч, байгаль эх бидний тунгалаг агаараар мөч бүхэнд тэтгэж, ариулж байдагт талархаж байна.
Бүтээлч өдрийн аялалаа төлөвлөөрэй
Гэр бүлээрээ хотоос 20км Өвөр гүнтийн зусланд агаар салхинд гарангаа, сүү цагаан идээ боловсруулах, тараг бүрэхийг харж сурч, Монголын хөлөгт тоглоом, 4 шагай 20 тоглоом сурах сурах, тоглох боломжтой танилцуулж зааж өгөх "Бүтээлч өдрийн аялал"-ыг зохион байгуулж байна.
2)
Үнээгээ бэлчээрлүүлдэг, өвсөөр тэжээдэг малчин өрхүүдэд талархая
Өвс иддэг, хөлөөрөө явдаг үнээний сүү, фермийн пүнзэнд уягдаж, хүйтэн шалан дээр хэвтдэг, заримдаа пивоны үйлдвэрийн хаягдал шаараар тэжээгддэг фермийн саалийн үнээний сүүний ялгааг бид сүүг нь хөөрүүлж үзээд л өрөм загсахгүй байгаагаар нь, буцалгасан сүүг уугаад биед мэдрэгдэж байгаа сөрөг байдлаар нь мэддэг болсон.
Өөрөөр хэлбэл орчин цагт органик гэж хэлэгддэг бүхэн бэлчээрийн мал аж ахуйд, Таван хошуу малаа эрдэнэ мэт дээдэлдэг малчин хүний гэрт байна.
Өөрөөр хэлбэл орчин цагт органик гэж хэлэгддэг бүхэн бэлчээрийн мал аж ахуйд, Таван хошуу малаа эрдэнэ мэт дээдэлдэг малчин хүний гэрт байна.
Сүү, тараг, өрөм захиалж, хотын гэр, зусландаа хүргүүлж аваарай
Бид Ар гүнтийн малчин айлаас чанартай сүү авч, өөрсдөө гэртээ хөөрүүлж өрөм загсааж, тараг бүрээд, зусланд нь мөн хотын гэрт нь хаягаар хүргэж өгч үйлчилдэг. Захиалга өгч ярилцах утас 99861326. Мөн Өвөр гүнтийн бүлэг фасебуук группд захиалгаа авдаг.
3)
ЕБС-ийн сурах бичгүүд цахим болсон нь маш сайхан
Хүүхдүүд хичээлийн номоо эндээс үзэхээс гадна, өмнөх ангийн сурах бичгийг эргүүлэн үзэх боломжтой нь сайхан.
Сурагчдад зориулсан “ТЕЛЕ ХИЧЭЭЛ”-ийг илүү хүртээмжтэй, шуурхай хүргэх зорилгоор БСШУСЯ, Харилцаа Холбоо Мэдээллийн Технологийн Газар-аас салбарын үүрэн холбооны оператор компаниудад чиглэл өгсний дагуу СӨБ, ЕБС-ийн сурагчдад зориулан econtent.edu.mn цахим сайтад байрласан “Теле хичээл”-ийг гар утаснаас үнэ төлбөргүй үзэх боломжтой боллоо.
Боловсрол, соёл, шинжлэх ухаан, спортын яамнаас “Боловсролын салбарын мэдээллийн систем” /БСМС/-ийг 2013 оноос боловсруулж, хэрэглээнд нэвтрүүлэх ажлууд хийгдэж байна.
БСМС -ийн баг нь esis.edu.mn үндсэн системийг хөгжүүлэхээс гадна дараах дэд системүүдийн хөгжүүлэлтийг хариуцан ажиллаж байна. Үүнд:
- Мэдээ, мэдээллийн portal.esis.edu.mn портал сайт
- Тэтгэлэгийн scholarship.esis.edu.mn портал сайт
- Цахим гарын авлагын help.esis.edu.mn портал сайт
- Эцэг эхийн parent.esis.edu.mn портал сайт болон мобайл апликэйшнууд
- Цахим агуулгын econtent.edu.mn портал сайт
- Цахим сурах бичгийн мобайл апликэйшн зэрэг дэд системүүд багтдаг.
Эх сурвалж: https://www.esis.edu.mn/hr/index.html#/about
4)
Нийтийн номын сангийн фонд, үйлчилгээ
Нийтийн номын санд хадгалагдаж байгаа хэдэн арав, зуу, мянган жилийн өмнөх ном судар, хэвлэлийн бүтээлүүд нь Номын сангийн уншигч хэн бүхэн олж нээх эрдэнийн архив.
Тэртээ 1966 онд хэвлэгдсэн Намжилдорж зохиогчтой Монголын хөлөгт тоглоом 2 боть номыг 2006 онд анх олж мэдэж дахин дахин уншиж, тоглоомуудаас сурч тоглож үзээд, бид Монголын хөлөгт тоглоомын соёлд нэвтрэхэд туслах 9 даваа тоглоомын богцыг бүтээсэн.
Таны унших ном номын санд таныг хүлээж байгаа. Хотын нийтийн төв номын сангийн Онлайн каталогоос ямар ном байгааг нь хайлт хийгээрэй.
5)
Байгалийн хүчийг таньсан Монголын уламжлал, үндэсний онол сургаалиас суралцах боломж
Их Монгол Язгууртан ГҮТББ-тай танилцан, язгууртан гэдэг үгийн утгийг тодорхой сонсож, мөн 13-р зуунаас цээжлэгдэн ирж, өнөөдөр судлагдахуун болж байгаа Алтан Дээд Үнэний Аялгуу үндэсний онол сургаалыг судлаж, танилцуулж, нэгдэл үүсгэж байдаг маш олон судлаач, сонирхогчдийн нийтлэл, мэдээллийг бид сонирхож, сонсож үзэж байгаа.
6)
Кевико компанид талархая
Дата мэдээллийн хязгааргүй хэрэглээний боломжийг бага хураамжаар олгодог, Кевико компанийн интернэтийг бид 2012 оноос хэрэглэж байгаа. БЗД-д Кевико төхөөрөмж худалдаж авахад 1 жилийн эрх бэлэглэсэн тэр үеэс тасралтгүй жилээр нь эрхээ сунгуулж 2021 он хүртэл хэрэглэсэн. Энэ компани технологийн шинэчлэл хийж, 2,5герцийн давтамжтай төхөөрөмжөө 5герцийн төхөөрөмжөөр сольж, өндөр хурдаар холбогдох боломжтой болж байгаа ч манай гэрийн байрлал нь антеннаас 400м-ээс хол, мөн замдаа налуу газрын саад байдаг учраас шинэ төхөөрөмж аваагүй байгаа.
7)
Монгол улсын Засгийн газарт талархая
2020-2021 оны өвлийн улиралд Шөнийн эрчим хүчний хэрэглээний төлбөрөөс гэр хорооллын өрхийг чөлөөлж, шөнө сайжруулсан нүүрс түлж агаараа бохирдуулахгүй байх, цахилгаанаар халаалтаа шийдэх боломж олгож байгааг бид ашиглаж байгаа.
Монгол улсын засгийн газраас Иргэд олон нийттэй харилцах 1111 утас, 11-11.mn вэб, https://www.facebook.com/1111tov хуудсаар санал хүсэлт, зөвлөмж мэдээллийг хүлээн авч, шийдвэрлэж, хариу өгдөг.
8)
Хас банканд талархая
Тус банканд харилцах данс нээлгэж, карттай болсоноор
- АТМ-ээс бэлэн мөнгө авах, АТМ-ээр дансандаа орлого хийхэд хураамжгүй байгаа.
- Интернэт банкны эрх нээлгэх, ашиглах нь хураамжгүй, Хас банкны данс руу гүйлгээ хийхэд хураамжгүй нь бидэнд маш хэрэгтэй байдаг.
9)
УБЦТС компанид талархая
Цахилгааны төлбөрөө Хас банкны онлайн банкны гүйлгээгээр шимтгэлгүй шилжүүллээ.
Улаанбаатар цахилгаан түгээх сүлжээ компани нь Төлбөр хүлээн авах банкны дансуудаа нэмэгдүүлж, Хас банканд данстай болсоныг саяхан мэдэж, Хас банкны данснаасаа ямар нэг нэмэлт хураамж, төлбөргүйгээр төлбөрөө тушаалаа.
Анхаараарай!
1. “Гүйлгээний утга” хэсэгт 7 оронтой хэрэглэгчийн кодоо бичихээ мартуузай
2. Төлбөр хүлээн авагчийн нэр: УБЦТС
10)
Скайтел сүлжээндээ мессеж бичих төлбөргүй
Скайтелийн дугаартай хэн боловч сүлжээндээ мессеж бичих нь үнэгүй байдаг нь таалагддаг. Мөн 30 хоногийн сунгалтаа 5000 төг-р хийхэд фасебуук мессенжер (бас бусад апп байгаа байх?) 30 хоног үнэгүй ашиглах чат багц дагалдуулж өгдөг.
2022-5-13 өдөр 5000 төг-р цэнэглээд, үйлчилгээний 30 хоног, 30 хоног ашиглах чат багц орж, 7 хоногт сүлжээний яриа, задгай датанд ашиглах 50000 бонус нэгжийг 777-д 2 сонголт явуулж идэвхижүүлсэн. 777-д BONUS гэж илгээж үлдэгдлээ шалгана.
11)
Мобиком хоноггүй болсон нь бас сонин сайхан
Мобикомын урьдчилсан төлбөрт дугаар хэрэглэх үед хоног дуусаж хаагдахгүй, хэрэглээний хэмжээгээр нэгжээр цэнэглэхэд ашиглах хоног нь давхар сунгагдаад явдаг болсон нь таалагдсан. Мөн нэгжгүй байхдаа Мобикомын дугаараасаа дохиж болдог нь тустай байдаг.
12)
Creative Mongolia фасебуук хуудас нь Үндэсний үйлдвэрлэл, бүтээлч Монголчуудаа дэмждэг
Бид Монгол ахуй соёлын илэрхийлэл болсон, гадаад дотоодын аялагч найзуудаа танилцуулдаг Mongolia Friend бичлэг, сүүн хүнсээ таньж бэлтгэх ХоостАйлын бичлэгээ энэхүү Бүтээгчдийн Үндэсний Экосистем хуудсанд үнэ төлбөргүй нийтлэх эрхтэй болж, хамтарч ажилладагт баяртай байдаг.
CreativeMongolia.com вэбээс бүтээлч монгол хүмүүсийнхээ ажил үйлстэй танилцдаг, Монгол ухааны биелэлийг хайхад тусалдагт бахархалтай, бусдад түгээн танилцуулахад дуртай.
13)
Монголын үндэсний радио телевизээ онлайнаар үзэж, сонсох боломж
Сар бүр цахилгааны төлбөртэй хамт 1100 төгрөгийг бид, өрх бүр Монголын үндэсний радио телевизийн үйлчилгээг дэмжиж хураамж төлдөг нь бахархалтай байдаг.
Монгол орны өнцөг буланд Монгол хүн ямар бахархам үйл явдал өрнүүлж байгааг мэдэх, Монголын радио, телезизээ онлайнаар болон Фасебуук Лайваар сонсох, үзэх, сэтгэгдэл бичих боломжтой нь сайхан байдаг.
14)
Цахим системтэй Усны худаг
Усанд явахад худгийн ажиллах цаг, худгийн ус машинаар ирэх зэргийг хүлээхгүй болж, төвийн шугамд холбогдсон худгаас усны картаа уншуулж ус авдаг болсон сайхан байна. Цаашид усны картаа цэнэглэхдээ ганцхан Хаан банкны данс руу биш, Хас банкны данс руу мөнгөө шилжүүлэх боломжтой болчихбол сайхан байна. Мөн усны картаа цэнэглэхэд и-баримтын дугаар өгдөг болчихоосой.
2021.1.1 өдрөөс 1л ус авахад 2төг төлж эхэллээ.
15)
Автобусны картаар 30 минутын дотор дамжиж суудаг
Хоёр автобус дамжиж гэрээсээ нилээн холд ажил бүтээхээр явах үед, эхний автобусанд картаар 500 төгрөгийн үйлчилгээний хураамжаа төлж, буухдаа картаа уншуулж, дараагийн дамжиж суух автобусандаа 30 минутын дотор картаа уншуулж 0 төгрөгөөр суудаг нь маш тустай байдаг.
16)
Гурил нь 25, 50кг-аар савлагддаг нь сайхан
Гурилыг бага хэмжээгээр савлах тусам сав баглаа боодолд зардал нэмэгдэж, хог хаягдлын хэмжээ ихэсдэг, мөн тээвэрлэлтийн зардал нэмэгддэг юм шиг. 25кг, 50кг-аар савлагдахаар өмнөх зардлууд хэмнэгддэг нь таатай байдаг.
17)
Улаанбаатар хотынхоо эргэн тойрны уулс руу алхаж Агаар салхинд гарангаа Аргал, хомоол түүж ирэх боломж
Баянзүрх хайрхан руу Ургах наран хороолол руу явдаг аввтобусаар очиж, Сонгинохайрхан уул руу Туул тосгоны автобусаар явж очиж, өөрөөр хэлбэл нийтийн тээвэр, 1000 төгрөгийн унаагаар хот орчимд аялах, ууландаа гарчихаад бууж ирэхдээ аргал, хомоол түүгээд ирэхэд гэр орноо утаагаар нь ариусгах, галаа асаах зэрэгт маш нэмэртэй байдаг.
Аргал, хомоол нь тухайн амьтныхаа идсэн өвс ургамлын исэж боловсорсоны үлдэгдэл холимог учраас утаа нь байгалийн үнэр гаргадаг.
18)
Монгол улсад ямар мэргэжлийг МСҮТ-ийн сургалтаар олгож байгааг mergejil.mn вэбээс
Хөдөлмөр, нийгмийн хамгааллын яамнаас mergejil.mn вэбийг бүтээж,
583 мэргэжил, 81 сургалтын байгууллага, 701 сургалтын байгууллагатай танилцуулж байна.
9-р анги төгсөгчид мэргэжил сургалтын төвд мэргэжил сонгон 2.5 жил суралцаад, тусгай дунд боловсрол болон мэргэжлээ зэрэг эзэмшээд, ажил хөдөлмөр эрхлэж байна.
9-р анги төгсөгчид мэргэжил сургалтын төвд мэргэжил сонгон 2.5 жил суралцаад, тусгай дунд боловсрол болон мэргэжлээ зэрэг эзэмшээд, ажил хөдөлмөр эрхлэж байна.
Дээрх вэбээс Мэргэжлийн боловсрол, сургалтын салбарын статистик мэдээлэл, сургалтын төвүүд, тусгай зөвшөөрөл, Мэргэжлүүд, шилэн данс болон бусад мэдээллийг харах боломжтой.
20)
Гадаад аялагч хүмүүсийг интернэтээр харилцаж, гэртээ ирүүлэх боломж
couchsurfing, airbnb, workaway, travelingspoon, warmshower зэрэг вэбүүдийг хоост айлын хувьд хураамж төлбөргүй ашиглаж, гадаадын аялагчидтай харилцаж, гэртээ ирүүлсэнээр Дэлхийн улс орнуудын сонин сайхан, амжилт бүтээлийг суралцаж, мөн #MongoliaFriend нийтлэлээрээ түгээн танилцуулдаг.
21)
Юнителийн Гэр интернэт нь 01-08 цагт хязгааргүй дата, 5mpbs хурдтай байдаг.
2022.1.6
ГэрИнтернэтийн ЭлбэгДэлбэг боломжийг хэрэглэж, 400GB дататай 120 хоногийн эрхийн хоногийг 2 дахин үржүүлсэн, 240 хоногийн эрхийг 120000 төг-р худалдан авлаа.
Гэр суурин утасны 77-той дугаарыг үнэгүй авч, гэртээ суурин утастай болсон бол, 77-той дугаарууд руу үнэгүй ярих боломжтой.
22)
нийгмийн халамжийн үйлчилгээ ehalamj.mn вэбтэй болжээ
Халамжийн мэдээллийг нэг доор төвлөрүүлж, нийгмийн халамжийн үйлчилгээ авч байгаа иргэдийн бүртгэл цахимжиж, үйлчилгээ авах хүсэлтээ илгээдэг болжээ.
23)
Монголын хөлөгт тоглоомуудаа гэр бүлдээ онлайнаар заалгаж болно
Монгол ардын хөлөгт тоглоом нь гэр бүлийн харилцааг дэмждэг, хүүхдээ ажиглан мэдэж, залж хөгжүүлэх, ахуй соёлоо ярилцах өргөн боломж олгож байна.
Есөн даваа тоглоомын богцод багтсан Монголын хөлөгт тоглоомуудаас онлайнаар заалгаж сураарай.
Цаашид
Худалдан авалтыг хэрэглээнээсээ илүү хийж тухайн зүйл нь хадгалагдаж орон зайг дүүргэдэг, 1-2 удаа хэрэглэгдээд эвдрэх, муудах, хэрэглэгдэхгүй болдог байдал зэргийг бид анзаарах цаг болжээ.
Юнител нэгж шилжүүлэх
Урьдчилсан төлбөртөөс урьдчилсан төлбөрт дугаар руу нэгж шилжүүлэх заавар:
*1444*Шилжүүлэх утасны дугаар*Нэгжийн хэмжээ# => залгах товч дээр дарна.
Хэрсүү худалдан авалтын талаарх бусад нийтлэлийг уншиж сонирхох, өөрийнхөө хэрэглэдэг тустай дэмтэй боломжийг сэтгэгдэлд бичих, имэйлээр илгээгээрэй.
Таны амьдралд дэмтэй тустай ямар үйлчилгээ байгааг та хэрэглэдэгээ бидэнд дамжуулж, сэтгэгдэлд бичиж, танилцуулаарай. Гялайлаа.
Comments