Биет бус өв соёлоо хэрэглэн амьдарч буй хэн бүхэнд гялайлаа (Нүүдэлчин өв соёлын наадам 2022 үйл явдлаас тэмдэглэл)

эсгий үүд, хавтас хаалга

Өв соёл болохын тулд хэдэн арав биш, зуу, магад мянган жил хэрэглэгдэж ирсэндээ чадал нь бий.

Биет бус өв соёлоо хэрэглэн амьдарч буй хэн бүхэнд гялайлаа.

3 жилд 1 удаа зохион байгуулагддаг
 НҮҮДЭЛЧИН МОНГОЛ 2022 - Дэлхийн Соёлын Фестивалиас тэмдэглэл, мөн бодол хүслээ таниулахаар зорьлоо.

Энэ үйл явдалд очиж оролцсондоо бид гялайсан, 

жил бүрийн сум, аймаг, улсын Наадамд соёлын биет бус өвийг таниулах үйл ажиллагааг хамтад нь зохион байгуулах шийдвэрийг Монгол улсын Соёлын яам гаргаасай гэж хүссэн.

Монгол хүн байна даа, өөрийн аягаа уут, өвөртөө авч явж, айраг цагааг хүртдэг дээ гэдгийг биеэр харуулж олон сайхан ах дүүс, танил нөхдийн өргөө гэрт зочилсон.

Монгол хүн байгаль дэлхий, эрдэнэт малаа түшиж, уул усаа дээдлэн шүтэж, байгалийн өгөөжийг хүний хөдөлмөр ухааны хэр чадлаар хүртэж, өгөх авахын хуулиар зохицон амьдарч байгаагаа Нүүдэлчин  ахуй соёлын амин сүнс болсон Соёлын биет бус өвийг хэрэглэн, өвлөн уламжлан амьдардаг хүн тандаа гялайлаа.

Дараагийн Нүүдэлчин өв соёлын фестивальд оролцогчид болон зорин очих хүн бүхэн өөрийн аяга, халбагаа уутандаа хийгээд очих, аяга халбагагүй бол үүдний худалдаанаас худалдан авах боломжийг олгох уриалгыг дэвшүүлье.
1 удаагийн аяга, мөн аягаа угааж үйлчилдэг байдлыг гаргахгүй байхыг уриалъя

Хүний ахуй амьдралд шаардлагатай 

- дуу хуур,

- бүжиг наадам,

- хүнс хоол, 

- хувцас, 

- бусад эд зүйлсээ эрдэнэт малын түүхий эд,  байгалийн нөхөгдөх баялгыг таньж мэдэн, байгальдаа ээлтэй аргаар боловсруулж урлан бүтээдэг арга ухаан нь Биет бус өв соёлд багтдаг болохыг ухаарлаа.

Хүмүүсийн бодол ухаан, авъяас чадвар, амьдрах мэдлэг нь биет бус өв соёлоор илэрдэг гэж ойлгосон.
Тийм ч учраас өнөөдрөөс
-  малын өөх тосоо зөв боловсруулж, ургамал ногоо болон мод, аргалын үнсэнд агуулагдах шүлтлэг чанарыг таньж саван, гоо сайханы бүтээгдэхүүнээ хийж сурах, 
- цаг улиралд нь улаан хүнс, цагаан хүнсээ бэлтгэх биедээ нийцүүлж хүртэх ухаанаа олох,

- газар нутгийнхаа онгон тагшин байдал, хөрс шороог ухаж төнхөх байтугай, бүр бохирдуулахгүй байх амьдралын хэв маягтаа суралцан амьдрах #БүтээлчАйл,
- түүнийгээ Дэлхийн 7 тэрбум хүнд үзүүлж, бахархаж амьдрах #ХоостАйл-ын цаг болжээ!

Оролцогчдын сэтгэгдлээс

Нутгийн иргэдийн оролцоот тогтвортой аялал жуулчлалын сэдвээр хоорондоо мэдээлэл солилцдог чатын гишүүдээс энэ үйл явдалд оролцсон сэтгэгдлээ дараах байдлаар бичсэн байна:

Говийн тэмээн жин бүтээл урлаач @Долгор Өлзийхишиг

Нүүдэлчин монгол -2022 фестиваль гайхалтай сайхан байлаа. Яг л марзан Шаравын "Монголын нэг өдөр "гайхамшигт зураг тэр л газар амилсан мэт. Монголын маань өнцөг булан бүрээс өв соёл ёс заншил өмсгөл зүүлтээрээ гангарсан олон хүмүүс цуглаж наадлаа.Энд сайхан найзтайгаа ч уулзлаа.

#ХоостАйл, #БүтээлчАйл, #MongoliaFriend агуулга бүтээгч @Bee Soy Mongols
Амар мэнд үү,
Монголоо, нутгийнхаа өв соёлыг эрж хайж байгаа хүн бүхэн энд цуглажээ. 

Бид амьдралын ямар арга ухааныг өвлөж, тээж байгаагаа харж нүд, сэтгэл баясаж, сурч мэдэх, хийж бүтээх урам зориг бадарлаа. Энэ чинь л Монгол хүний ухаан, Монгол газар нутгийн онцлог гэдгийг бүрнээ мэдэрлээ. Гялайлаа. 

Соёлын өв, соёлын биет бус өв гэдэг ойлголт

Биет бус өвийн тодорхойлолт нь объектод төвлөрөхөс илүү хүнд чиглэсэн байдаг. Биет бус өв нь зөөлөн соёл, хүмүүс, тэдний уламжлал ба мэдлэг чадварыг илэрхийлдэг. (Соёлын биет өв нь хүн амын тодорхой бүлгийн бодит хэлбэр бүхий соёл, түүний орон зай, эд зүйлс юм).

Эх сурвалж:
Музей судлал эрдэм шинжилгээний цуврал бичиг. Tomus XXII-I, Fasciculus 1-25, УБ 2021

 

Монгол улсын Соёлын өвийг хамгаалах тухай хуулинд заахдаа:

Ард түмний билэг авъяас, мэдлэг, туршлага, эрдэм ухаан, ур чадварын тодорхой илэрхийлэл болон биет бусаар өвлөгдөн уламжлагдаж ирсэн түүх, угсаатны судлал, ардын билэг, зан үйл, ур хийц, арга барил, дэг сургууль, урлаг, шинжлэх ухааны ач холбогдол бүхий дараахь оюуны соёлын үнэт зүйлийг соёлын биет бус өвд хамааруулна:

 

4.1.1. эх хэл, бичиг, түүний хүрээний соёл;

4.1.2. аман зохиол;

4.1.3. ардын уртын болон богино дуу, тууль, тэдгээрийг дуулах, хайлах  арга барил;

4.1.4. хөдөлмөр, зан үйлийн холбогдолтой уриа дуудлага;

4.1.5. хөөмий, исгэрээ, аман болон тагнай ташилт зэрэг өгүүлэхийн эрхтний шүтэлцээт урлаг, тэдгээрийг   илэрхийлэх  арга  барил;

4.1.6. үндэсний хөгжмийн зэмсгийг урлах,хөгжимдөх, аялгуу  тэмдэглэх арга барил;

4.1.7. ардын уламжлалт бүжиг, бий, биелгээ;

4.1.8. уран нугаралт болон циркийн үзүүлбэрийг илэрхийлэх гоц  авъяастны ур чадварын арга барил;

4.1.9. ардын гар урлалын дэг сургууль;

4.1.10. ардын ёс заншил, зан үйлийн уламжлал;

4.1.11. эрдэм ухааны уламжлал;

4.1.12. ардын бэлгэдэх ёсны уламжлал.

ЮНЕСКО-гийн 2003 оны “Соёлын биет бус өвийг хамгалах тухай конвенц”-д биет бус өвийг тодорхойлохдоо: “Соёлын биет бус өв” гэж хамт олон, бүлэг хүмүүс, зарим тохиолдолд хувь хүмүүс соёлын өвийнхөө бүрэлдэхүүн хэсэг гэж хүлээн зөвшөөрсөн заншил, дүрслэх болон илэрхийлэх хэлбэр, мэдлэг болон дадал, эдгээртэй холбоо бүхий зэмсэг, эд зүйлс, урлагийн бүтээл, соёлын орон зайг хэлнэ. Биет бус өв нь дараах хэлбэртэй байна.

1.    Соёлын биет бус өвийг тээгч хэлийг оролцуулан аман уламжлал, түүнийг илэрхийлэх хэлбэрүүд;

2.    Урлагийн тоглолт үзүүлбэрүүд;

3.    Заншил, зан үйл, баяр ёслол;

4.    Байгаль болон сав ертөнцийн тухай мэдлэг, заншлууд;

5.    Уламжлалт гар урлал;

 

Үеэс үед уламжлагдах соёлын биет бус өвийг хамт олон, бүлэг хүмүүс нь тэдгээрийг хүрээлэн буй орчин, байгаль, түүхийн харилцан шүтэлцээнээс шалтгаалан байнга шинэчилдэг бөгөөд тухайн өв нь тэдгээрт оршин тогтнох болон залгамж чанарын мэдрэмж төрүүлж, соёлын төрөл зүйл, хүний туурвилыг хүндэтгэхэд дэмжлэг үзүүлдэг. Энэхүү конвенцийн зорилгод  олон олон улсын хүний эрхийн зөвхөн одоо мөрдөж буй баримт бичиг болон хамт олон, бүлэг, хувь хүмүүсийн  хоорондын харилцан хүндэтгэл, мөн тогтвортой хөгжлийн шаардлагуудад нийцсэн соёлын биет бус өвийг авч үзнэ. 

Эх сурвалж: Монгол улсын Соёлын яамны харъяа Соёлын өвийн үндэсний төв

Нүүдэлчин Монгол 2022 - Дэлхийн Соёлын Фестивалиас тэмдэглэл

Автобусны үйлчилгээний төлбөрийг картаараа төлөхийн тулд автобусны картаа цэнэглэж,

Монгол цамцаа өмсөж,

Аягаа цүнхэндээ хийж,

Халуун ус, хүнсээ базааж 1 өдрийн аялалд гарсан.

Офицеруудын ордоноос хөдөлж байгаа автобусанд 10 цагт суулаа. 

500төг, мөн 2000төг-р гэж картаа уншуулж, автобус үйлчилгээний төлбөрөө төлсөн. 

Автобусны компани нь карт уншуулах болон замын зогсоолын тохиргоогоо хийлгээгүй учраас дээрх байдлаар 2 удаа картаа уншуулж 1 төлбөрийг төлөхөөс гадна, Налайх хүртэл автобусны буудал бүр дээр 1-2 сек зогсож бүртгэлээ хийлгэж байгаа нь автобусны хурдыг удаашруулж, зориулалтын биш болгож байсан. 

10 цагт Офицероос хөдөлсөн автобус 11:50 цагт Горхи-Тэрэлжийн Сайханы саравч хөндийд биднийг хүргэж ирсэн. Тэрэлжийн замаас шороон зам руу эргэх тэмдэглэгээг байрлуулсан нь ойлгомжтой сайхан байсан.

Автобуснаас буухад 

Наадмын зохион байгуулалт, байршил зураг дээр тусгагдаагүй, 
хятадын хог барааны худалдаа тосч авсан нь сонин байсан.

Хориглосон байрлалд зөвшөөрөлгүй худалдаа эрхлэх нь шинэ биет бус өв соёл уу гэж бодогдохоор, хууль дүрэмгүй улс юм уу гэмээр санагдлаа.

Энэ нэг шаар хагалуулдаг тоглоомыг хоригломоор юм?! хог тарихаас өөр зүйлгүй, түүний оронд хавчаахай нумаар харвуулж тоглуулмаар юм.

Биет бус өв соёлыг таниулан түгээх үйл ажиллагааг явагдаж байгаа 

Төв аймгийн Эрдэнэ сумын нутаг Сайханы саравч гэдэг энэ хөндийд Тэрэлжийн гол урсаж, гол дагасан ширэг дээр зохион байгуулалт хийгдэж, дараах отог, өртөөнүүд байршиж, 

Орох-гарах хаалган дээр очиход гарт фестивалийн цаасан бугуйвч зүүж өгч, гарах үедээ аль нэг аймагт саналаа өгч хайрцагт хийгээрэй гээд мөн 

гарын авлага (pdf файл) авч нэвтэрсэн.

Гарын авлагад байгаа мэдээллээс сийрүүлье:

Соёлын биет бус өв гэж юу вэ?

Монголчууд бид олон мянганы турш нүүдэлчин, бэлчээрийн мал ахуйн мэдлэгийг шилж сонгон бий болгож ирсэн. Иймд бидний соёлын өвийн язгуур шинж нь байгаль дэлхийг хайрлах, хайрлахын тулд нүүдлийн мал ахуйг эрхэлж, хожим харамсахгүйгээр аз жаргалтайгаар амьдран орших юм.

Соёлын өвийг хамгаалах тухай хуулийн 3.1.5 зүйлд "Соёлын биет бус өв гэж хамт олон, бүлэг, хувь хүн соёлын өвийнхөө бүрэлдэхүүн хэсэг гэж хүлээн зөвшөөрсөн зан заншил, дүрслэх болон илэрхийлэх хэлбэр, уламжлалт мэдлэг, арга барил, тэдгээртэй холбоотой эд өлгийн зүйл, зэмсэг, урлагийн бүтээл, соёлын орон зайг" хэлнэ гэж тусгасан.

Соёлын биет бус өв нь үндэсний нэгдмэл үнэт зүйл, ялгаран оршихуйн үндэс учраас түүнийг хамгаалж, дэмжих арга нь соёлыг өдөр тутмын амьдралд хэрэглэх юм.

Соёлын биет бус өв ба тогтвортой хөгжил

Эрт цагаас бидний амьдралыг хөглөж, эвтэй найртай хамтдаа амьдрахад чухал үүрэг гүйцэтгэж ирсэн соёлын биет бус өвийг хүүхэд залуус өвлөн хэрэглэх нь нийгэм болоод эдийн засаг, хүрээлэн буй орчиндоо тогтвортой хөгжлийн загварыг хадгалахад чухал ач холбогдолтой.

НҮБ-ээс тунхагласан Тогвортой хөгжлийн 17 зорилгуудын 3, 4, 6, 12, 13, 15-р зорилтуудыг биелүүлэхэд шууд хамааралтай байна.

Нүүрстөрөгчийн тухай

Бид Дэлхийн уур амьсгалын өөрчлөлтөнд хэрхэн нөлөөлж байгаа вэ

Монголчуудын нүүдлийн ахуй соёл нь байгаль эх, ус ургамал, амьтнаа хайрлан хамгаалж ирсэн түүх эдүгээ дэлхийтэйгээ зохицон амьдрах арга ухаан болж, уур амьсгалын өөрчлөлтийн нөлөө, нүүрстөрөгчийн ялгаралыг бууруулахад бүрэн хувь нэмэр оруулж чадна.

Иймд бид соёлын биет бус өвийг хамгаалах, түүнээс суралцаж, танин мэдэж, түгээн дэлгэрүүлэх нь эх дэлхийгээ хайрлан хамгаалах нэгэн чухал арга зам юм.

Нэгдсэн хөтөлбөр, мөн Гарын авлага файлаар цахим орчинд тавигджээ.

Захчин ястны хувцас урлал өв тээгч, бий биелээч, 84 настай Ш.Отгонбаяр:

Охин хүүхдэд авгай дээлийн загвараар дээл, хувцас оёж өмсүүлээд байгааг засах, ялгааг ойлгуулахыг зорьсон.

“ОТОР” БАГА ТАЙЗ 09:00-20:00

• Сээр цохих үзүүлэх тоглолт

• “Монгол Зо” тулааны урлагийн “Ташуурын эрдэм” үзүүлбэр, үзүүлэх тоглолт

• Тусгай хэрэгцээт иргэдийн язгуур урлагийн тоглолт

• Гар урлалын бүтээл, эд зүйлсийн дуудлага худалдаа

• Өсвөрийн Сээр цохих тэмцээний шигшээ шат, үзүүлэх тоглолт

• “Мал аж ахуйн тоног хэрэгслийн гар урлал”-ын бүтээлийн дуудлага худалдаа

• “Монгол дархны гар урлал”-ын бүтээлийн дуудлага худалдаа (эмээл, авдар, сийлбэр)

• “Уламжлалт арьс ширэн гар урлал”-ын бүтээлийн дуудлага худалдаа

• “Монголын үндэсний хувцасны гар урлал”-ын бүтээлийн дуудлага худалдаа

• Эрэгтэйчүүдийн Сээр цохих тэмцээний шигшээ шатны шалгаруулалт

• Үндэсний спортын хүрээний шагнал гардуулах ёслолын ажиллагаа

Говь-сүмбэр нутгаас оролцогч Номин.

Загасгал, борцтой Боржигин цай, Газар зуух танилцууллаа

ҮНДЭСНИЙ СПОРТЫН ХҮРЭЭ 09:00-20:00

• Харвааны төрлүүдийн заах (Үндэсний, Урианхай, Буриад, Уламжлалт харваанууд)

• Монгол бөх, “Монгол Зо” тулааны урлаг заах

• Адууны соёлын өв заах

• Тоглоом, наадгайн соёлын өв заах (Сээр цохих, Монгол шатар, Шагайн харваа, Хавчаахай харваа)

Дорноговь аймгийн иргэн, Үндэсний сур, халх харвааны мэргэн Дэндэвийн Түвшин: Манай аймгийн сум болгон харвааны багш, сургалттай болсон.

• Сээр цохих тэмцээний урьдчилсан шатны тэмцээн

• Эрэгтэйчүүдийн сээр цохих тэмцээний урьдчилсан шат

• Бэсрэг наадмын хүүхдийн бөхийн барилдаан

• Бэсрэг наадмын хүүхдийн сурын харвааны тэмцээн

• Морьт харвааны үзүүлэх тоглолт

• “Монгол Зо” тулааны урлагийн “Ташуурын эрдэм” үзүүлэх тоглолт

• Морьт барилдааны үзүүлэх тоглолт

• Жороо морины үзүүлэх уралдаан, адуучдын уурга, ташуур шүүрэх үзүүлэх тоглолт

• Бэсрэг наадмын дааганы уралдаан

Дорноговь Айраг сум, МУ-ынн морь цоллооч, ардын авъяастан, аймгийн алдарт уяач Балжирын Баасандорж

- Увс аймаг. Гэрийн эсгий үүд, морин хаалга, хошлон даруулга

- Булган аймаг. Сүүн будаг, монгол маажан

Зэс ашиглаж сүүн будаг үйлдвэрлэдэг Булган аймгын Урлаг дизайны академийн тэргүүн 

Д. Дарьсүрэн ийнхүү яриж байна; 

Монголчууд эртнээс сүүн будаг гаргаж түүнийгээ амьдрал, ахуйдаа хэрэглэж байсан. Энэ нь малын сүүг зэс саванд хийгээд газарт 45-60 см-ийн гүнд булж 108 хоногийн дараа гаргаж авна.  Тэр үед сүү маань ногоон өнгөтэй болно. Үүнийгээ хатаагаад, хатаасан нунтгаа нүдээд тэр будгаар нь хонины ноосоо будаж хувцас хийнэ. Энэ технологийг би анх ааваасаа сонссоод судалж эхэлсэн. Хорь гаруй жил болж байна. Олон удаа туршиж үзсэн. 2021 онд “Оюуны өмчийн патент”-аа авсан, энэ  сард эрүүл мэндийн бүтээгдэхүүн гэсэн патентаа авах гэж байгаа.

Монголчууд эртнээс зэсийг эрүүл мэндэд тустай гэдэг утгаар нь амьдрал, ахуйдаа хэрэглэж байсан. Жишээ нь хоолой хавангах үед зэс зоос тавьдаг байсан. Тэгвэл үүнийг улам боловсронгуй болгож сүүн будгаар хийсэн хувцас, дэрийг нялх хүүхэд болон өндөр настай хүнийг тэнхрүүлэхэд ашиглаж байсан. Хүний биед 0.2 хувийн зэс байдаг. Тэр зэс нь багадахад үе мөч, бүдүүн гэдэс өвддөг. Энергигүй боллоо ч гэж ярьдаг. Тэгвэл зэсийг эрүүлжүүлэхийн тулд монголчууд ихээр хэрэглэж байсан.

Сүүний 90% нь ус учир сүүн будаг хийх явцад ердөө 10 % нь л будаг болдог. Сүү будгаа олон хоног газарт булж боловсруулж байгаа учир хугацаа их шаарддаг. Бас гар ажиллагаа их шаарддаг. Ингээд өртгийг нь тооцоход 1гр нь 5000 төгрөг болж байна. Одоогоор их хэмжээгээр худалдаанд гаргаагүй. Гэхдээ сүүн будгаараа хонины ноосоо будаад түүгээрээ хувцас, оймс, бээлий, малгай, ороолт хийж байна. Хүмүүс маш дуртай хүлээж авдаг. 

90 настай нэг хүнд хувцас хийж өгсөн. Гурав хоногийн дараа хаван буусан байсан. Мөн бага насны хүүхдэд сүүн будгаар хийсэн оймс, тоглоом хийж өгсөн. Ээж, аав нь хүүхэд маань сайн унтаж амарч байгаа гэж хэлсэн. Тэгэхээр тодорхой үр дүнтэй байна гэсэн үг. Хонины ноос нь өөрөө ланолинтой учир хүний биед ямар ч сөрөг нөлөөгүй, үүн дээр нь нэмж сүүн будгаар будахад бүр илүү болж байгаа юм.

Одоогийн байдлаар найман өнгө гаргадаг. Уг нь 64 төрлийн будаг гаргах боломжтой. Ямар ч химийн найрлагагүй учир байгалийн өнгийг гаргаж чаддагаараа бас онцлог.

Эх сурвалж; 

МОНЦАМЭ

Сүүг зэс сав данханд хийж тохой хиртэй газар ухаж булаад 108 хоногийн дараа буцааж гаргаж ирэхэд  ийм ногоон өнгөтэй будаг болж гарч  ирдэг гэнээ.Энийгээ хатаагаад  бэхжүүлэхийн тулд хусны өмхөрсөн хэсгийг шатааж үнс болгон хольж будгаа  нунтагладаг гэнэ.  Хийсэн  будаг нь эсгий ноос даавуу   зэргийг  будах жинхэнэ  эко байгалийн номин ногоон өнгөтэй будаг болдог гэнээ. Хонь малдаа ч  тэмдэг  тавихад арилдаггүй будаг болдог гэнэ шүү.Монгол ёс ухаан гэдэг агуу юмаа . 👍👍👍

- Сүхбаатар аймаг. Адууны дэлээр уяа оосор томох, Адуу, үхрийн хөөвөр, хонины ноосоор чанга эсгий хийх

- Увс аймаг. Утаа шингэсэн эсгий + ямааны арьсан өлхөг

Говь-сүмбэр аймаг Баянтал сум Соёлын төвийн дарга Энхжаргал: 

- Халз харваа, Бажий, Аргай тонгорох тоглоом танилцуулъя.

- 1966 онд хэвлэгдсэн Монгол ардын хөлөгт тоглоом 2 боть номоос тоглоомууд танилцуулах ажлыг 2009 онд эхэлж байсан.

2018 онд Нүүдэлчин Монгол 

Дараах бичлэгийг олж мэдсэндээ гялайлаа

 

Монгол улсыг буюу бэлчээрийн мал ахуй соёлтой ард түмэнтэй танилцахаар зорин ирдэг

#MongoliaFriend -уудын ярианаас

Монгол орныг зорин аялан ирэхдээ бидэнтэй интернэтээр харилцаж,
манай гэрт зочлон ирсэн гадаад айлчин найзуудтайгаа 2017 оноос эхлэн бид дараах 3 асуултаар ярилцаж бичлэг хийдэг болсон.

1. Өөрийгөө танилцуулна уу, 

2. Яагаад Монгол улсыг сонгон аялж байгаа вэ, 

3. Монгол улсаас юуг үзэх, мэдэхийг хүсэж байгаа вэ

Монгол хүний үнэ цэнэ, Монгол орны ялгарах онцлог шинжийг мэдэрч ярьж байгаа аялагч гадаадын айлчиддаа гялайлаа.
Энэ өвөрмөц ахуй-соёлоороо өдөр бүр амьдрах нь хадгалан өвлүүлэн үлдээх арга нь бөгөөд, музейн үзмэр болгочихвол хэрэглэхээ больсоны шинж болох тул, холыг харж амьдарцгаая.

Бидний хийсэн "#MongoliaFriend нэр from улс" нэртэй ярилцлагын бичлэгүүдийг 

Youtube болон Фасебуукд хайлт хийж үзэхийг уръя.

Аргентин залуу

Солонгос залуу

ГЭР БҮЛЭЭРЭЭ танин мэдэхүйн хөгжөөнт өдрийн аялал

Монгол гэр дотор цомхон эд зүйлстэй амьдрах, сүү цагаан идээ, хүнс хоолоо бэлтгэх ажил үйлстэй, шагай болон хөлөгт тоглоомыг гэр бүлийн харилцаа, хүмүүжил төлөвшилдөө хэрэглэдэг #ХоостАйл-д зочилж, хүүхэдтэйгээ хамтран модны  үр, суулгац тарих, цэцэг ургамал ажиглаж мэдэх гэх мэт бүтээлчээр 1 өдөр аялах боломж.

“ГЭР БҮЛЭЭРЭЭ” ТАНИН МЭДЭХҮЙН ХӨГЖӨӨНТ АЯЛАЛ  
#АгаартТоглоё #ХүүхдүүддээЦагГаргая

Гэр бүлээрээ, хүүхдүүдтэйгээ хамт агаар салхинд гарч, хөгжөөнт тоглоом тоглож, хүүхдүүдтэйгээ ойлголцох, гэр бүлийн дурсамж бүтээх, идэвхитэй амралт, өдрийн аялалд уръя.

Өнөөгийн хурдтай нийгэмд гэр бүлээрээ хамтдаа байх цаг хугацаа, орон зай хомс болсоор байна. Гэр бүлээрээ хамт хийх зүйл, үйлчилгээ ч дутагдалтай байна. Тиймээс манай хотхон танд хүүхдүүддээ, гэр бүлдээ цаг гаргаж, хамтдаа тоглож наадах, хүүхдийнхээ зан ааш, хүсэл сонирхолыг ажиглаж танин мэдэх, хамтдаа суралцан хөгжих орон зайг бүрдүүлж, Гэр бүлийн танин мэдэхүйн хөгжөөнт өдрийн аялалаа эхлүүлж байна.
Крейтив кэмп нь гадаад орчны багийн тоглоом, экстрийм тоноглолтой адал явдалт хөтөлбөрийн орчин юм.

ХоостАйл-ын өдөр

Жил бүрийн 7-р сарын 7-9 өдрийг Монгол ахуй соёлоо хэрэглэн амьдарч, гадаад дотоодын аялагчдыг гэртээ ирүүлж танилцуулж, аж амьдралдаа оролцох боломжийг олгодог #ХоостАйл  бахархалт өдөр болгох санааг дэвшүүлсэн. 

Албан ёсны мэдээллийн хуудаснаас

НҮҮДЭЛЧИН МОНГОЛ 2022- Соёлын биет бус өвийн их наадам

21 аймаг, нийслэлийн шилдэг өвлөн уламжлагч нарын 

- зан үйлийн үзүүлбэр, 

- язгуур урлагийн тоглолт, 

- гар урлалын үзэсгэлэн,

- соёлын биет бус өвийг таниулан сурталчлах арга хэмжээ, 

- уралдаан, тэмцээн, 

- соёлын бүтээлч үйлдвэрлэл, үзэсгэлэн худалдаа, 

- орон нутгийн онцлогийг харуулсан уламжлалт хоол хүнс, идээ ундааны фестиваль, 

- шилдэг өвлөн уламжлагч болон нүүдэлчдийн хүүхдийн тоглолт зэрэг олон талт үйл ажиллагаа зохион байгуулагдах юм.

Соёлын биет бус өв нь аливаа үндэстэн, угсаатны бүлэг, хамт олны 

- оршин тогтнох, 

- сэтгэн бүтээж туурвих, 

- амьдран хөгжих эх ундарга билээ. 

Хүмүүний амьдралын өвөрмөц төрх, зан үйл, хөгжил дэвшлийнх нь нэгэн илэрхийлэл бөгөөд өргөн утгаараа тухайн улс, үндэстний соёл иргэншлийн аюулгүй байдалд шууд нөлөөлж байдаг чухал хүчин зүйл юм. 

Иймд соёлын биет бус өвийг хадгалж хамгаалах асуудал хүн төрөлхтний нэн тулгамдсан зорилтын нэг болж, дэлхий нийтийн анхаарлын төвд байсаар байна.

Та өв уламжлалаа хүндэтгэн үндсэний хувцастайгаа ирнэ үү

Бид хэн вэ гэдгийг бидний өдөр тутмын хэрэглээний сонголт тодорхойлдог

Бидний өдөр тутмын хэрэглээ, сонголт нь бидний ахуй, соёлыг бүтээж байна. 

Монгол ахуй, соёлыг үзэж танилцахаар Дэлхийн улс орнуудаас аялагчид ирдэг.

Бид хэн вэ?