2022 онд хийж бүтээх ажил үйлс
2021 онд бидний хийж бүтээсэн ажлаас
1. Монголын хөлөгт тоглоомоос сурах, тоглоход зориулагдсан "Есөн даваа тоглоомын богц" -ын тоглоом бүхэнд ерөөл магтаал оноож, гэр бүлээрээ дуулах боломж олгоё. Энэ тоглоомын богцоо захиалгаар оёж бүтээнэ.
2. Ургамлаас шүлт гаргахад суралцаж, өөх, яснаас буцалгаж авсан тосоор саван хийх хүсэл, бодлоо ажил үйлс болгоё.
3. Хавар мал төллөх ажилд гар бие оролцож, малчин хүний 1 сарын амьдралыг лайв, бичлэгээр үзэх хүсэлтэй хүмүүст хүргэе.
4. Хоолны тухай ярилцъя сэдэвт цуврал бичлэг бэлтгэнэ. Бие, сэтгэлээ эрүүл энх байлгахын тулд агаар салхинд алхангаа ажил хийх, аягаа долоож шүлсээ залгих, усыг буцалгаж бус ширгээж уух талаар, бэлчээрийн үнээний сүүний давуу тал, шар тосыг эм мэт хүртэх, эрүүл хэрэглээ, хэвшилд анхаарлаа хандуулж, үр дүнг биедээ, биеийн жиндээ, биеийн бүтэцдээ гаргах хүсэлтэй хүмүүст зөвлөж, хамтран ажиллана.
5. Хил нээгдвэл
- гадаадын айлчин найзуудаа гэртээ ирэхийг зөвшөөрч, #MongoliaFriend бичлэгээ үргэлжлүүлнэ
- Киргиз руу #ШагайтайҮүргэвч 2022 аяллаа хийж, энэ нутагт ургасан жимсний амтыг газар дээрээс нь амтлуулна
- гадаадын айлчин найзуудаа гэртээ ирэхийг зөвшөөрч, #MongoliaFriend бичлэгээ үргэлжлүүлнэ
- Киргиз руу #ШагайтайҮүргэвч 2022 аяллаа хийж, энэ нутагт ургасан жимсний амтыг газар дээрээс нь амтлуулна
Энд сурталчилгаа, мэдээлэл байрлуулж хамтран ажиллана.
Промо код хэрэглэж үр дүнг хэмжинэ.
Лавлах утас 77861326, 99861326
Промо код хэрэглэж үр дүнг хэмжинэ.
Лавлах утас 77861326, 99861326
6. Сургуулийн өмнөх боловсролын шинэчлэл ТББ-ийн захиалгат Даавуун цүнхэнд цагираг яс хэрэглэсэн загвар гаргаж, хамтран оёх.
2021 онд бидний хийж бүтээсэн ажлаас
7. Хөвсгөл нутагт нийтийн номын сантай хамтран #бүтээлчтанхим байгуулж, дотоод, гадаадын аялагчид очдог #openhome-ийг бүтээх.
8. "Бүтээлч өдрийн аялал" хөтөлбөр маань илүү хамтач болж, залуу гэр бүлийн хөгжлийн урам болоосой.
9. Дарь эхийн хашаа болон #CreativeCamp -даа мод тарих ажилдаа илүү тэмүүлнэ.
10. Үндэсний онол, Монгол ахуй, соёлдоо илүү тэмүүлж, суралцана.
11. Гэрийн зуухыг өвөлд камен зуух шиг болгосон загварын эрэлд гаръя!
12. Traveling Spoon Online cooking private experience-ээ гадаад найзууддаа танилцуулж, 12 захиалга авч үйлчилнэ :-). Энэ үйлчилгээ яаж явагддагыг үзэж танилцах боломжийг сонирхсон хүмүүст олгоно.
13. Өрхийн санхүү, өөрийн сэтгэл хөдлөл, Угийн бичиг хосолсон компьютерын програмаа зохиож, хэрэглэж эхэлнэ. Бүртгэл тооцоо нь дүгнэлт, шийдвэр гаргахад дэм тус болно.
 |
| Хэнтий аймаг Галшар сумаас |
2021 онд бидний хийж бүтээсэн ажлаас
- 2021 онд бидний тэмүүлэл нийтлэлдээ хүсэл мөрөөдөл, зорилтоо бичиж байсан
- Өсвөр насны хүүхдүүдээ дэмжиж байснаар, их сургуулиа төгссөн хүү ажил хийж, аав ээжийнхээ төрсөн өдрөөр бэлэг аваад ирсэн сэтгэл нь, дунд охин Хөвсгөл аймаг дах МСҮТ-ийн сургуульддаа өөрөө ирж очдог болж, отгон охин Монголын хүүхдийн ордоны Авъяас хүрэл медаль авсан зэрэг олон үйл явц аав ээж болсон бидэнд бахархам сайхан байна. Хүүхдүүд маань амьдралыг хэсэг хэсэг он жилээр бус, бидний өнөөдөр ойлгож, зорьж байгаа шиг нийт бүхэлд нь харж, хамтын хариуцлагат нийхэмийн нэг хэсэг болоосой гэж хүсье.
- Ар гүнт, Партизаны малтай айл, малаа бэлчээж малладаг айлуудтай харилцаж, түүхий (бүтэн) сүү авч, өрөм, тараг, цагаан идээгээ бэлтгэхээс гадна, зуслангийн айлууд, найз гэр бүлдээ сүү, тараг хүргэж өгч баярлуулсан.
- Есөн даваа тоглоомын богцынхоо ар талд Алаг мэлхийний өрөлтийг оёж, товч шилбээр товчилж хумьдаг болгосон
- Өдөр бүр хэмнэе шилдэг туршлагын уралдаанд оролцсон
- Анх удаагаа малчин айлын хаврын ажил - Төл хүлээн авах ажилд гар бие оролцсон
- АНУ-ын Endangered Alphabets Projects байгууллагатай хамтран ажилласнаар, УЛУС тоглоомын 400ш даавуун хөлөг оёж бүтээсэн
- Хүн бүр байгаль хамгаалагч баримтат бичвэрийн уралдаанд амжилттай оролцсон
- 2018-9-22 өдөр Улаанбаатар хотод зохион байгуулагдсан Үзэсгэлэнт Улаанбаатарын цом өртөөт марафон тэмцээний шагналаа хөөцөлдөж, 2022 оны 2-р сард БНХАУ-д болох өвлийн олимпод оролцох Монголын тамирчдаар шагналыг тань явуулна гэдэг хариулт, шийдвэртэй болсон
- Тал нутгийн экосистем, түүний тэнцвэрт байдал фото зургийн уралдаанд амжилттай оролцсон0
- Сургуулийн өмнөх боловсролын шинэчлэл ТББ-ийн үйл ажиллагааг дэмжиж, Даавуун хавтасны загвар гаргаж, оёж бүтээх ажлыг хариуцан, нийслэлийн 6 дүүргээс 10 оёдолчин бүсгүйтэй хамтран ажилласан.
- Хар тамхи мансууруулах бодисоос иргэдийг хамгаалах нийгэмлэгийн төсөлд компьютер, мэдээллийн технологийн мэргэжилтэнээр хамтран ажилласан.
- Алтан дээд Үнэний аялгуу суу алдартай номыг судалж, ажил үйлс болгож байгаа Их Монгол Язгууртан ГҮТББ-тай танилцлаа.
- Library Update 2021 үйл явдалд оролцож, Монгол орны сум, аймгийн номын сангийн үйлчилгээнд #БүтээлчТанхим саналаа дэвшүүлсэн.
Энэ нийтлэлийг Дэлхийн зөн Монгол байгууллагаас хэрэгжүүлсэн Төгсөлтийн аргачлал 600 төслөөс өрхийн орлогыг нэмэгдүүлэхийг дэмжих зорилгоор өгсөн тоног төхөөрөмж Dell нотебуук, гэр интернэт төхөөрөмжийг хэрэглэж бэлтгэлээ.
Comments